ژبه‌ر له‌هیێن ئه‌ڤ شه‌ڤه، رێیا ڤێ ده‌ڤه‌رێ هاته گرتن
ئه‌ڤرۆ نیوز، نه‌وزاد هلورى
ژ به‌ر سه‌ده‌ما بارینا زورا بارانان و رابونا له‌هیان رێیا د ناڤبه‌را ناحیا بلێ ل ده‌ڤه‌را بارزان و نزارێ بارزان هاتیه‌گرتن.
ئیسماعیل عه‌بدوللا وه‌لاتیه‌كێ ناحیا بلێ یه بۆ ئه‌ڤرۆ نیوز گۆت : ( ژبه‌ر سه‌ده‌ما زور بارینا بارانێ و رابورنا له‌هیان نها رێیا دناڤبه‌را ناحیا بلێ و نزارێ بارزان ل خالا گوندێ زوره‌گڤان هاتیه گرتن (
زێده‌تر گۆت : ( ژبلى رێیا گوندێن نزارێ بارزان رێیا چه‌ند گوندێن دن ژى مه‌ترسى لسه‌ر هه‌یه و هنده‌ك جهان ژى ئاخ و به‌ر هاتینه سه‌ر رێیێن گشتى ) رێیا دناڤبه‌را ناحیا بلێ و نزارێ بارزان هه‌ر ئێك ژ گوندێن شانیك ، سه‌ركه‌ڤر ، زوره‌گڤان ، ناڤداران ، شرێ ، توریشك ، ئالكا ، ده‌ربوتك ، ئیروان ، ملانێ ، كوله‌كا ، بێكرێس ، هه‌ربوو ، مه‌ندیێ ، ئیسومه‌ران ، زێوه ، سه‌فتێ ، بیراكه‌پرا و هه‌رنێ بخوڤه دگرن.