وهزیرێ ئهوقافێ ل دهوكێ ل سهر كریارێن داعشێ هاته دهنگ
وهزیرێ ئهوقاف و كارۆبارێن ئاینی ب وهكالهت ل حوكمهتا ههرێما كوردستانێ دچارچووڤێ سهردانا خوه دا بۆ پارێزگهها دهۆك و پشتی ڤهكرنا ههر دو ئاڤاهیێن رێڤهبهریا گشتی یا ئهوقاف و كارۆبارێن ئاینی، ڤهكرنا ئاڤاهیێ كارۆبارێن مهسیحیان د دو كومبونێن جودا دا ل گهل زانایێن ئاینی ل دهۆك و زاخۆ چهندین تهوهر گرێدایی گرێدایی ژیانا ئهڤرۆ وهزیرێ ئهوقافێ بهحسكرن. ل هولا رێڤهبهریا گشتی یا ساخلهمیێ دهۆكێ، ل دهسپێكێ د. سهمیان عهبدولخالق سهعدی رێڤهبهرێ گشتیێ ئهوقاف و كارۆبارێن ئاینی ب وهكالهت پهیڤهك پێشكێشكر و تێد ب خێرهاتنا وهزیرێ ئهوقافێ كر و سهردانا وی دڤی دهمی دا بگرنگی ل قهلهم دا. دووڤ دا د. پیشتون سادق وهزیرێ ئهوقاف و كارۆبارێن ئاینی ب وهكالهت پهیڤهك پێشكێشكر، خوشحالیا خوه دیاركر كو ل دیدارا زانایێن ئاینی پارێزگهها دهۆك شادبووی، گۆت: رۆلێ مامۆستایێن ئاینی ههر دكهڤن دا و دیرۆكا مللهتێ كورد دا رۆلهكێ كاریگهر ههبوو و ههموو پێشهوایێن ڤی مللهتی ههر شێخ و مهلا بووینه و دهرچووێن تهكیا و مزگهڤتان بووینه، پێشتر قوتابخانه ل گوندان نهبووینه و مامۆستایێن ئاینی ب رێكا مزگهڤت و حوجران ئاستێ زانستی ل كوردستانێ گههانده ئاستهكی نوكه ئهم ههموو شانازیێ پێ دبهین، رۆلێ مامۆستایێن ئاینی گهلهكێ كاریگهره د هشیاركرنا خهلكی دا ل سهر مهترسیار تیرۆرێ ل سهر مللهتێ مه و تایبهت پارێزگهها دهۆكێ، ل سالا بوری و دناڤا ئهوان كاودانێن ب سهر ڤی مللهتی دا هاتینه و هاتنا ئاواران بۆ كوردستانێ و تایبهت دهۆكێ، مامۆستایێن ئاینی رۆلهكێ ههره مهزن گێران و ههكه مامۆستایێن ئاینی نهبان و دهرگههێن قوتابخانا نههاتبانه ڤهكرن دا كارهساتێن مهزنێن مرۆڤی پهیدابن و چهند ههیڤان زارۆ ژ قوتابخانا دوور كهفتن لێ ڤی خهلكی نههێلا ئاواره ل سهر جادابن. د. پیشتوان سادق گۆتژی: كوردستان نوكه دقوناغهكا ههستیردا دهرباز دبیت، قوناغا نوكه شهره ل سهر مللهتێ مههاتیه سهپاندن و ئهم نهچووینه شهرێ كهسێ و مخابن ئهڤ تیرۆرسته ئاینێ ئیسلامێ یێ پاقژ بۆ مهرهمێن خوهیێن سیاسی و تیرۆرستی بكاردهینن و كۆشتنا كوردان ب خوه حهلال دكهن و ههبوونا كارێن تیررستی ههر دكهڤندا ههبوویه و بهری هاتنا ئیسلامێ و ب ههموو جوران و ههتا ئهڤرۆ ژی یا مای، پشتی سهرهلدانا 1991 ئیسلامیێن توند رهو كاریگهریهكا نهباش ئێخسته سهر ئیسلاما پاقژ، ئاینێ ئیسلامێ یێ ئاشتی و ئێك دو قبوولكرنێ یه و یێ بهر ئه ژ ههر كارهكێ تیرۆرستی و ئهڤه بۆ مهرهمێن تیرۆرستی یه وهزیرێ ئهوقاف و كارۆبارێن ئاینی ل ههرێمێ هێشتا ژی گۆت: داعش یاریهكا ئستخباراتیا مهزنه و كۆمهكا ئارمانجا ههیه و كاری بۆ دكهت و ئێك ژ ئارمانجێن وێ پیسكرنا ئاینێ ئیسلامێ یه، فهر ل سهر مامۆستایێن ئاینی ئهڤێ چهندێ بهلاڤ بكهن كو ئاینێ ئیسلامێ دوور ژ توند رهویێ و كوشتنا وهلاتیان، دیسا مللهتێ مه یێ مهزلوومه بهرامبهر ئهو كهسێن خوه ب ناڤێ ئیسلامێ گرتین ل وهلاتێن دهر دور و ههتا عیراقێ ژی و چ جاران ئهڤێن دهست ههلات گێراین هزر نهكریه كو مللهتێ كورد چهند خزمهتا ئاینێ ئیسلامێ كریه و بوو دروست بوو وهلات ههبیت بهز بۆ مللهتێ كوردان نه دروست بوو، دچارچووڤێ ناما منا ماستهرێ دا من دیاركریه (30)وهلاتێن نهتهوهرێن ئێكگرتی كو ئهندام تێدا و ههموو پێكڤه كوم بكهی ب رووبهرێ عهردی و خهلكی ههموو هندی ههرێما كوردستانێ نین، نوكه ههرێما كوردستانێ نێزیكبوونه بۆ دهولهت بوونێ و قورباندی دانا ڤی مللهتی بۆ چێبوونا دهولهتا كوردی یه، دڤێت ههموو مامۆستایێن ئاینی خهلكی هشیاركهن و ب هیڤی نه ئهڤه دێ هێت و ئهڤه ژ پرۆژێن ستراتیجیێن جهنابێ سهرۆك مهسعود بارزانی یه وهزیرێ ئهوقاف و كارۆبارێن ئاینی هێشتا ژی گۆت: كاودانێن نوكه یێن ئابووری ئهڤێن كهفتینه سهر ههرێما كوردستانێ دهرڤه شیانێن ههرێمێ یه و بهغدا ب پلان بۆدجا ههرێمێ بری و ههموو حوكمهت عیراقێ پشتی شاهاتی و ههتا نوكه كار كریه ڤی مللهتی بن بڕبهت، ههكه سهدام حسێن ب كێمیایی كاركربیت مللهتێ مه نههێلیت ئهڤێن پشتی وی هاتین ب قوتكرنا قویتێ خهلكی كاركریه ڤی مللهتی نههێلیت، دیسان نزمبوونا بهایێ پهترۆلێ ژی كاریگهریهكا مهزن ل سهر كاودانان كریه، پشست راست بن ئهڤه نه جهێ باروهریێ و گۆتنێ یه كو هنده بیًژن حوكمهتێ پاره ههنه و نادهت و دبێژم ههكه ههبان چهوا نهدا؟ چهوا دا مللهتێ خوه هێلیته بێ مووچه، نزمبوونا پهترۆلێ كارتێكرن گهلهك وهلاتان كریه، لێ ئهو وهلات كارتێكرن ل سهر نههاتیهكرن و ب ئانههیا خودێ ئهڤ كاودانه ههتا ناڤهراستا ئهڤ ساله دێ گوهۆرین كهڤنێ و حوكمهت یا كار دكهت بهردهوام بۆ بۆراندنا ڤێ قۆناغێ. وهزیرێ ئهوقافێ ئهوچهندهژی گۆت: ههر وهزارهت ل حوكمهتا ههرێما كوردستانێ مژوولی كۆمهكا چاكسازیانه وهك وهزارهتا ئهوقافێ بژڤانێ چهند چاكسازیاینه، مه مولك ههنه و پێشتر ب كریێن ئهرزان بووینه و مه لژنهك پێكئینایه بۆ بلندكرنا ئهڤان كرێیان، دیسا قانوونا وهزارهتێ دێ هێته راستڤهكرن دا ل گهل مه ب گونجیبت و ههیكهلێ ئهوقافێ دێ پێداچوون تێدا هێتهكرن و ترۆمبێلێن حوكمهتێ ههموو وهزارهتا بارگرانیهكا مهزنه و چ مفا تێدا نینه و حوكمهت دشێت بدهته وی خهلكی و ههیڤان تشتهكی ژێ وهربگریت، لژنهك هاتیه پێكئینان بۆ كێشێن مزگهڤتان پهیدا دبن. وهزیرێ ئهوقاف و كارۆبارێن ئاینی گۆت: مزگهڤت مالا خودێ یه و مینبهر یا پێغهمبهری یه سلاڤ ل سهر بن و مامۆستایێ ئاینی جهێ رێزێ یه و ههمان دهم فهرمانبهرێ حوكمهتێ یه و دڤێت رۆژا ئهینی دڤێت بهحسێ ئاینی بكهت و بووم نهخوشه بهحسێ پارتاتیێ بكهت و مزگهڤت بۆ عبادهتی دچینێ ونابیت بیته بارهگایهكێ سیاسی، نابیت مزگهڤت بیته جهێ گۆتارێن توند و دڤێت گۆتارێن رۆژێن ئهینی گۆتارێن مه فهلسفه و ئاینێ ئیسلامێ تێدا بهێنه شرۆڤهركرن و دهربرینێ ژ پێكڤهژیانێ بكهن و نابیت رێ بهێتهدان كو مزگهڤتا مامۆستایهكێ ئاینی پازده كهس تێدا بچنه ناڤ داعش و دێ چهوا هێلین ئهو مامۆستا وی جهی بیت و ب گوهۆرینا وی دێ قیامهت رابیت و ب سهردان مامۆستایێن ئاینی دهست خوهشی ڤی گوهۆرینێ دكهن و دبینم ئهڤه دهربرینێ ژ ئیسلامێ ناكهت، رۆژانه شههید بوومه بهێن و ئهو ژی خهلكی هاند بدهت و ئهڤه گهلهك جور ههنه، ئهڤه نه شولا مامۆستایێ ئاینی یه، دڤێت یێ باشیێ بیت. د. پیشتوان سادق هێشتا ژی گۆت: ب هاتنا قوتابخانێن ئاینی بۆ سهر وهازرهتا پهروهردێ و ئێكهمین كار بۆ خزمهتكرنا ئاینێ ئیسلامێ، دووهم دهرچوویێ ئهڤان قوتابخانا دڤێت پێزانیێن ئهكادیمی ژی ههبن و ب هیڤی نه پاشهرۆژهكا نێزیك دێ پێشكهفتنێن مهزن دروست كهین. د. پیشتوان سادق وهزیرێ ئهوقاف وكارۆبارێن ئاینی ب وهكالهت هێشتا گۆت: مه حوكمهتا ههرێما كوردستانێ و ههر دو وهزارهتێن ئهوقاف و پهروهردێ میلاك ههنه لێ نهیێ رێكخستی یه و چ وهلاتان نینه پێنچ ملیون بن و ملیونهك 800 فهرمانبهر و مووچه خوور ههبن، چارهسهری دڤێت رێكخستن ههبیت. وهزیری گۆتژی: دانا دهستیردانێ بۆ خواندنێ هاتیه راوستاندن و ئهڤه ژ زانایێن ئاینی ژی دگریت و ئهڤ بریار پێشنیارا وهزیرێ دارایی بوو و ئهڤه دچارچووڤێ چاكسازیان دابوو و ژبهر كاودانان و ئهم پشتهڤانیێ خهلكی مه بچن بخوین ،دێ ههموو بزاڤا كهم ل گهل بهرپرسێن دهۆكێ كو رێ بدهن زانكۆ ڤهبن و بلا خهلكێ مه ههر ل وهلاتێ خوه و باژێرێ خوه بخوین و جهێ بچنه وهلاتان و دێ كار ل سهر ڤێ چهندێ كهین. وهزیرێ ئهوقاف و كارۆربارێن ئاینی ل دووماهیێ گۆت: دوعا بۆ پێشمهرگهی رۆژێن ئهینی بهردهوام بكهن چونكه ژ دهولهت سهرێ وان ئهم نوكه یێ د سهقایهكێ ئارام و تهنا دا دژین و ئهو یێ ب مووچه دسهنگهرێن بهرگێریێ دا بهرهڤانیێ ژ مه دكهن، دیسا كاودانێن ئابووری گههشتنه وی ئاشتی نوكه ئاڤاكرنا قوتابخانان هاتیه راوستاندن و نوكه ل باژێران قوتابخانێن سێ دهوامی ههنه و هوون دشێن ههكه جههكی پێدڤی ب مزگهڤتێ نهبوو خهلكێ دهولهمهند هاند بدهن قوتابخانا ئاڤا بكهن و ئهڤه گرنگه.
