هێرشێن ئه‌سمانى چبكێت بارانێ نه و داعشێ پێدڤى بارۆڤه‌كا ب هێزه
ئه‌ڤرۆ نیۆز:
فرانس پرێس: شاره‌زایێن سیاسى پشتى پتر ژ دو هه‌یڤان و هێرشێن ئه‌سمانى یێن به‌رده‌وامێن هێزێن هه‌ڤپه‌یمانان ب سه‌رۆكاتیا ئه‌مریكا ب سه‌ركه‌فتیانه به‌رسینگێن چه‌كدارێن تیرۆرستێن داعشێ گرتن و نه‌هێلان كوبانێ بكه‌ڤیت، هه‌ر چه‌نده هه‌تا نوكه بزاڤێن راگرتنا وى شه‌رى ل گه‌ل داعشێ ب دووماهى نه هاتینه.
به‌رپرسێن ئه‌مریكى دوپاتكرن هێشا زویه به‌حسێ سه‌ركه‌فتنێ بكه‌ین و بزاڤێن پتر و رژدتر دڤێت بهێنه كرن بۆ هاریكارى و پشته‌ڤانیكرنا هێزێن عیراقێ ب گشتى و هێزا پێشمه‌رگه‌ى ب تایبه‌تى.
ئه‌فسه‌ره‌كێ پله‌دارێ ئه‌مریكى كو سه‌رپه‌رشتیا ڤێ هه‌وێ دكه‌ت، گۆت: ئه‌م هێشتا ل ده‌تسپێكا خوله‌كێن ئێكێ یا یاریێ نه.
هه‌روه‌سا ئه‌ندامێ په‌یمانگه‌ها ڤه‌كۆلینێن ستراتیجى و نێڤده‌ولى ل واشنتۆنێ ئه‌نتۆنى كوردیسمان گۆت: ئه‌مریكا باوه‌رنه‌دكر له‌شكرێ عیراقێ هوسا یێ لاواز بیت، به‌لێ جهێ مخابنیێ یه ژ هه‌موو پێشبینیا خرابتر بوو.
ئه‌فسه‌ره‌كێ خانه‌نشینكرى گۆت: هێرشێن ئه‌سمانى نوكه بتنێ (چبكێت بارانێ نه) و ره‌وشا نها پێدڤى ب بارۆڤه‌كا مه‌زنه.
شرۆڤه‌كارێن سیاسى دبێژن بۆ داوه‌شاندنا دربه‌كێ كوژه‌ك ل سه‌ر داعشێ پێدڤیه سه‌رۆكێ ئه‌مریكى باراك ئۆباما هێرشێن ئه‌سمانى زێده بكه‌ت و شیره‌تكارێن له‌شكرى یێن ئه‌مریكى بۆ كارى ل گه‌ل هێزێن مه‌یدانى بكه‌ن، دوپاتكرنا بجهئینانا ئارمانجان دا سه‌ركه‌فتنا ب دورستى هه‌بیت.