سونه بايكوتا حوكمه‌ت و په‌رله‌مانێ عيراقێ دكه‌ن
ئه‌ڤرۆ نيوز:
سونيێن عيراقێ ل دژى ئه‌و هێرشێن دكه‌نه سه‌ر وه‌لاتيان و رۆژنامه‌ڤانان ل ده‌ڤه‌رێ وان، بايكوتا روونشتنێن جڤاتا وه‌زيران و جڤاتا نوونه‌رێن عيراقێ دكه‌ن.
به‌در فه‌حل، ئه‌ندامێ جڤاتا نوونه‌رێن عيراقێ بۆ ئاژانسا ده‌نگوباسێن رۆيترز راگه‌هاند: ل به‌رامبه‌ر ئه‌و هێرشێن ل 11ى ڤێ هه‌يڤێ ل باژێرێ ميقداديه كرينه سه‌ر وه‌لاتيان و رۆژنامه‌ڤانان و جهێن پيرۆز، په‌رله‌مانتار و وه‌زيرێن سونه بڕيار دايه بايكوتا روونشتنا جڤاتا وه‌زيران و جڤاتا نوونه‌رێن عيراقێ بكه‌ن.
ئاشكه‌را ژى كر كو دوهى ل مالا سه‌ليم جبۆرى، سه‌رۆكێ جڤاتا نوونه‌رێن عيراقێ، په‌رله‌مانتار و وه‌زيرێن سونه كۆمبووينه و هه‌ر د وێ كۆمبوونێ دا ئه‌و بڕيار دايه.
رۆژا 11ى ڤێ هه‌يڤێ، داعش پرۆسا تۆلڤه‌كرنێ ل باژێرێ ميقداديه ئه‌نجام دا و ژ ئه‌گه‌رێ وێ چه‌ندێ چه‌ندين وه‌لاتى و رۆژنامه‌ڤانان گيانێ خوه ژ ده‌ست دا كو هه‌موو سونه بوون.
