پێگوھۆرکێ نوو یێ ڤیاگرایێ یێ برێڤە
ئەڤرۆ نیوز:
پشتی ڤیاگرا ل سالا 1998 کەتیە بەردەست، زەلامان وەکو دیاریەکا ئاسمانی بۆ چارەکرنا لاوازیا سیکی ل قەلەم دا. بەلێ ل نێزیک دێ چارەکا دی یا کاراتر کەڤیتە بەردەست کو ھەتا دو سالان دمینیت.
ڤەکۆلینێن کەڤن وەسا ئاشکرا کریە کو خوە دانا بەر پێلێن لێدانێن دلی ھاریکاریا دەمارێن خوینێ دکەت بۆ چارەکرنا ئاریشا لێدانێن دلی، نۆشدار دبێژن ھەمان شێواز دێ یێ کارا بیت بۆ باشترکرنا ھێزا سیکسی کو ھەر ژ ئاستەنگا نەگەھشتنا خوینێ چێدبیت. نۆشداران شفکەکا گرێدای ئامیرەکێ ھنارتنا لێدانان بۆ ئەندامێ نێراتیێ بکارئینا. “فیگای سانگاری” نۆشدارێ کوئەندامێ میزێ ئەوێ چارەیا ED1000 بکاردئینیت دیارکر کو ئەڤ ئامیرە تێنەکا زێدەتر ژ ھوکارێ وەرارێ بەخش دکەت و ئەڤە ھندەک دەمارێن نوو یێن خوینێ بەرھەمدئینیت.
ئەڤ دەمارێن نوویێن خوینێ چارەسەریا لاوازیا گەھشتنا خوینێ چارە دکەن. سەرەرای کو لێدانا وان پێلان بۆ ئەندامیێ نێراتیێ یا ب ژانە، بەلێ نۆشدارێ ناڤبری دوپات کر کو چ ئێشان و باندۆرێن لاوەکی نینن.
ئامیرێ ED1000 ئەوێ ل ئیسرائیلێ ھاتیە پێشخستن، ل ئەمریکا نەھاتیە بکارئینان و ھەتا ل وەلاتێن دی بکار نەھاتیە چونکو ئەڤ تەکنولۆژیایە نە یا بەربەلاڤە. بەلێ نۆشدار شیرەتان ل زەلامان دکەن کو ل ڤی ئامیری بگەریێن کو یێل کلینیکێن نۆشداران ھەین.
ژیێ ڤی ئامیری ب تنێ چەند سالەکن، بەلێ ئەنجامێن بکارئینانا وی گەلەک دباشن، کو 80% ژ حالەتێن لاوازیا سیکسی چارەکرینە.
ئەڤ جۆرێ چارەی 12 حەفتیان ڤەدکێشیت، پشتی ھینگی بۆ دەمێ دو سالان چ ئاریشە نامینن کو ئەڤە چارەکا باشە بۆ وان زەلامێن نەڤێن ھەتا ھەتایێ دەرمانێن نۆشداری بخۆن.
