ئه‌ڤرۆ گۆڕان دێ بڕیارا خوه ده‌ت
ئه‌ڤرۆ نیوز:
شورش حاجى په‌یڤدارێ بزاڤا گۆڕان راگه‌هاند بڕیاره ئه‌ڤرۆ ئه‌و شاندێ سێ كه‌سى یێ بۆ كاراكرنا په‌رله‌مانى هاتیه پێكئینان سه‌ره‌دانا گۆڕان بده‌ت و گۆت” ئه‌ڤرۆ دێ بڕیارا خوه سه‌باره‌ت ڤه‌گه‌راندنا د.یوسف محه‌مه‌د بۆ هه‌ولێر و وه‌زیرێن خوه بۆ حكومه‌تێ ئاشكراكه‌ین”. ژ ئالیێ خوه‌ڤه، عه‌لى حسێن ئه‌ندامێ سه‌ركردایه‌تیا پارتى دیموكراتى كوردستان راگه‌هاند: ئاسایى كرنا ره‌وشا سیاسى یا هه‌رێمێ، ئانكو ڤه‌گه‌ریانا سه‌ۆكێ په‌رله‌مانى و وه‌زیرێن گۆڕان. عه‌لى حسێن دیاركر راسته وان تێبینى ل سه‌ر سه‌رۆكێ په‌رله‌مانى هه‌بوونه، لێ گۆت” ئه‌و سه‌رده‌م چوو، كو مه دگوت نابیت یوسف محه‌مه‌د ببیته‌ڤه سه‌رۆكێ په‌رله‌مانى”.
