ئه‌ڤرۆ نيوز ده‌قێ بريارێن حكومه‌تێ به‌لاڤ دكه‌ت
ئه‌ڤرۆ نيوز، ره‌وان نهێلى:
سه‌فين دزه‌يى په‌يڤدارێ حكومه‌تا هه‌رێما كوردستانێ د كۆنگره‌يه‌كێ رۆژنامه‌ڤانى دا راگه‌هاند، ناڤه‌رۆكا پلانا حكومه‌تێ بۆ چاره‌كرنا قه‌يرانان يا پێكهاتيه ژ هه‌لگرتنا موچێ فه‌رمانبه‌ران كو مه‌ره‌م پێ ده‌ربازكرنا ڤێ قه‌يرانێ يه.
دزه‌يى دياركرژى كو ژ ئه‌ڤرۆ پێدا دێ ل دووڤ سيسته‌مه‌كێ نوو موچه هێنه به‌لاڤكرن و هنده‌ك ژ موچێ فه‌مانبه‌ران دێ هێته هه‌لگرتن.
ده‌قێن بريارێن دى:
بريارا ژماره 1: بجهئينانا سيسته‌مێ هه‌لگرتنا موچێ فه‌رمانبه‌ران، به‌لێ هێزێن پێشمه‌رگه و زێره‌ڤانى ئه‌وێن ل به‌روكێن شه‌رى ڤه‌ناگريت.
بريارا ژماره 2: دروستكرنا لژنه‌يه‌كێ بۆ ڤه‌كولينێ ل داهاتێ نه‌فتێ ب هه‌ڤكاريا كومپانيه‌كا نێڤده‌وله‌تى يا تايبه‌تمه‌ند دبوارێ ژمێريارى دا.
بريارا ژماره 3: فه‌رمانبه‌ر بخوه دێ خه‌رجيێن ئوتومبێلێن حكومى ب ستويێ خوه‌ڤه گرن.
بريارا ژماره 4: پروسا كرين و فروتنا گشت ته‌نده‌ران دێ ل وه‌زاره‌تا سامانێن سروشتى بيت ب رێيا زێده‌كرنا ته‌نده‌ران و پێدڤيه د ماوێ 30 رۆژان دا ئاشكرا ببيت.
بريارا ژماره 5: په‌يره‌وكرنا پره‌نسيپێ لامه‌ركه‌زيا نه‌فت و پێدانا ده‌ستهه‌لاتێ ب پارێزگه‌هان، هه‌روه‌سا دامه‌زراندنا سيسته‌مه‌كێ ئه‌لكترونى بۆ موچێ فه‌رمانبه‌ران.
بريارا ژماره 6: پێكئينانا لژنه‌كێ ژ وه‌زاره‌تا دارايى و قايمقاميان بۆ رێكخستنا بهايێ خزمه‌تگوزاريان و پێدڤيان ل دووڤ داهاتێ هاولاتيان.
