بۆ جارا ئێكێ دێ سعودیه قه‌ران كه‌ت
ئه‌ڤرۆنیۆز، ئه‌یاد به‌رواری:
بۆ جارا ئێكێ ل سعودیێ كورتئینان د بودجێ دا په‌یدا دبیت ژئه‌گه‌رێ كێمبوونا بهایێ په‌ترۆلێ ل بازارێن جیهانی و بۆ جارا ئێكێ ژی سعودیه دێ به‌ر ب داخوازكرنا قه‌ران ڤه چیت، بۆ پڕكرنا كورتئینانێ د بودجا خوه‌دا كو گه‌هشتیه گۆژمێ 87 ملیار دۆلاران.
ل دووڤ سایتێ (رۆسیا الیوم)، وه‌لاتێ سعودیێ كو دهێته هژمارتن مه‌زنترێن به‌رهه‌مهێنه‌رێ په‌ترۆلێ د رێكخراوا ئۆپك دا، یا تووشێ كورتئینانه‌كا مه‌زن بووی د بودجه‌ی دا ژئه‌گه‌رێ هاتنا خوارا بهایێ په‌ترۆلێ كو ئه‌و بهایێ ب رێژا 70% یێن هاتینه خار هه‌ر ژ ناڤه‌راستا سالا 2014 ێ و هه‌تا نوكه.
حوكمه‌تا سعودی بریار ژی یا دای كو مه‌زاختیێن گشتی كێم بكه‌ت و ل دووڤ پێشبینیێن شرۆڤه‌كارێن ئابووری، دبیت سعودیه د قۆناغا ئێكێ دا ب پێنج ملیار دۆلاران قه‌ردار ببیت.
سعودیه دهێته هژمارتن وه‌لاتێ دویێ ل جیهانێ پشتی رۆسیا د به‌رهه‌مئینانا په‌ترۆلێ دا ل سالا 2015 ێ، كو رۆژانه 9 ملیۆن و 570 هزار به‌رمیلێن په‌ترۆلێ به‌رهه‌م دئینیت.
