سه‌رۆك بارزانى: ئه‌ز پێدڤى ب خه‌لكێ خوه مه نه وه‌لاتێن زلهێز
ئه‌ڤرۆ نيوز:
ڤه‌كۆلينه‌كێ ئاماژه ب بزاڤێن “مه‌سعود بارزانى” سه‌رۆكێ هه‌رێما كوردستانێ بۆ ريفراندۆمێ ل هه‌رێما كوردستانێ و دبێژيت بۆ سه‌ربه‌خۆيا كوردستانێ بۆ بارزانى بۆچوونا خه‌لكێ كوردستانێ يا گرنگه نه ده‌وله‌تێن ب هێز.
“ستيڤان كۆك” شرۆڤه‌كارێ مه‌زنێ دامه‌زاوا شيره‌تكارى يا په‌يوه‌نديێن ده‌رڤه يێن ئه‌مريكا بۆ رۆژهه‌لاتا ناڤه‌راست بۆ مالپه‌رێ “ده‌نگێ ئه‌مريكا” راگه‌هاند: “هنده‌ك ژ ئاراستان وه‌سان دبينن كو فشارێن ئابوورى يێن كوردستانێ كارتێكرنا ل سه‌ر بڕيارێن بارزانى بۆ ريفراندۆمێ هه‌بوويه، به‌لێ بازرانى دبينيت ئوكێ يا خه‌لكێ كوردستانێ ب تنێ يا گرنگه نه يا وه‌لاتێن ب هێز، چونكو پشتى به‌ياننامێ ب روونى ئه‌و چه‌ند ده‌ركه‌فت”.
ته‌كست ژى ل سه‌ر وێ چه‌ندێ كريه كو كاودانێن نوكه يێن كوردستانێ ب قه‌يرانه‌كێ ئابوورى يا گه‌له‌ك دژوار را دبۆرن و ئه‌ڤه كارتێكرنێ ل سه‌ر هنده‌ك لايان دروست دكه‌ت كو ريفراندۆمێ د ڤان كاودانان دا نه‌كه‌ت.
ڤه‌كۆلنێ ئاماژه ب وێ چه‌ندێ كريه كو پێشبينى دهێته كرن بارزانى ب ڤێت ب رێيا ريفراندۆمێ په‌يامه‌كێ ب وه‌لاتێن زلهێز بگه‌هينيت كو بۆ پێكئينانا ده‌وله‌تێ پێدڤى ب خه‌لكێ كوردستانێ يه نه لايه‌نێن ده‌ره‌كى.
سيڤان كۆك راگه‌هاند ژى “بارزانى دێ ب په‌يوه‌نديا باشا هه‌رێما كوردستانێ و توركيا دا مفاى بينيت، چونكو ره‌جه‌ب ته‌يب ئه‌ردۆگان سه‌رۆك كۆمارێ توركسا ئاماده‌يى ده‌ربڕيه به‌رده‌وام بيت ل گه‌ل كوردستانا سه‌ربه‌خۆ”.
