پانزین و گازا سپی و غاز ل دھۆکێ ئەرزان بوون
ئەڤرۆنیۆز، ئەیاد بەرواری
جێگرا سەرۆکێ جڤاتا پارێزگەھا دھۆکێ راگەھاند، د کۆمبوونەکا ئەڤرۆ یا جڤاتا پارێزگەھێ ل گەل رێڤەبەریا بەلاڤکرنا بەرھەمێن پەترۆلی و خودانێن کۆمپانیێن تایبەت ب ئینانا پانزێنێ و سوتەمەنیێ و خۆدانێن کارگەھێن غازێ، بریارا کێمکرنا بھایێن پانزینێ و گازا سپی و غازێ ھاتە دان.
بێریڤان شەمو جێگرا سەرۆکێ جڤاتا پارێزگەھا دھۆکێ بۆ (ئەڤرۆنیۆز) گوت” پشتی ئەندامێن جڤاتا پارێزگەھێ دانوستاندن ل گەل خودانێن کومپانیێن ئینانا سوتەمەنیێ کری، گەھشتنە بریارەکێ کو لترا گازا سپی ب ٤٠٠ دیناران بھێتە فرۆتن ئانکو ٢٠٠ لتر ب ٨٠ ھزار دیناران، دیسا بھایێ قنینا غازی (غازا مزگین) ل گۆرەپانێ ب ٧٥٠٠ دیناران بیت و ھەکە ئەو بگەھیننە مالان ب ٨٥٠٠ دیناران بیت”.
ل دۆر بھایێ پانزینێ، بێریڤانێ گوت” ل ڤێ حەفتیێ دێ لترا پانزینێ ب ٥٥٠ دیناران ھێتە فرۆتن و وان سۆز دا کو ل حەفتیا بھێت و وێڤە ھێشتا ئەرزانکەن بۆ ٥٠٠ دیناران”.
