ژ 1991 وه‌ره كوردستانێ قه‌یرانه‌كا دارایى یا ب ڤى ره‌نگى دژوار نه‌دیتى یه
ئه‌ڤرۆ نیوز:
نێچیرڤان بارزانى جێگرێ سه‌رۆكێ پارتى دیموكراتى كوردستان د كومبوونا ل گه‌ل به‌رپرس و كاردێن لقێن سنورێ هه‌ولێرێ راگه‌هاند” ژ 1991 وه‌ره هه‌رێما كوردستان قه‌یرانه‌كا دارایى یا ب ڤى ره‌نگى نه‌دیتى یه.
نێچیرڤان بارزانى به‌حسێ كارتێكرنێن قه‌یرانا دارایى ل سه‌ر ره‌وشا هه‌رێما كوردستانێ ب گشتى و ب تایبه‌ت ره‌وشا موچه‌خور و وه‌لاتیێن هه‌رێمێ كر و گۆت” ئه‌گه‌رێن ڤێ قه‌یرانێ ڤه‌دگه‌رن بۆ برینا بودجا هه‌رێمێ ژ ئالیێ عیراقێ ڤه ل سالا 2014 ێ و دیسا سه‌پاندنا شه‌رێ داعش ب سه‌ر هه‌رێما كوردستانێ و هاتنا نێزیكى ملیونه‌ك و 800 هزار په‌نابه‌ر و ئاواران بۆ هه‌رێمێ و دووماهى ئه‌گه‌ر ژى ئه‌رزانبوونا بهایێ نه‌فتێ بوو كو ڤێ ئه‌رزانبوونێ كارتێكرن كریه سه‌ر هه‌موو وان وه‌لاتێن پشت به‌ستنێ ب نه‌فتێ دكه‌ن”.
نێچیرڤان بارزانى دیاركریه‌ژى كو ئه‌ڤ قه‌یرانه یا ده‌مكى یه و دێ پێداچوون ب خشتێ مووچێ فه‌رمانبه‌ران دا هێته كرن.
