بارزانى به‌ر ب ئه‌لمانيا ب رێكه‌فت
ئه‌ڤرۆ نيوز:
سه‌رۆكێ هه‌رێما كوردستانێ ب مه‌ره‌ما پشكداريكرنێ د كۆنگرێ ئاسايشا “ميونخ” دا به‌ر ب ئه‌لمانيا ب رێ كه‌فت.
ئه‌ڤرۆ رۆژا پێنجشه‌مبى رێكه‌فتى 11ى شوباتا 2016ێ مه‌سعود بارزانى سه‌رۆكێ هه‌رێما كوردستانێ د رێيا فرۆكخانا نێڤده‌وله‌تى يا هه‌ولێرێ به‌ر ب وه‌لاتێ ئه‌لمانيا ب رێ كه‌فت.
بڕياره د وێ سه‌ره‌دانێ دا بۆ ئه‌لمانيا پشكداريێ د كۆنفرانسێ ئاسايشا “ميونخ” دا كه‌ت كو كۆنفرانسه‌كێ سالانه يێ جيهانى يه و تێدا ژماره‌كا به‌رچاڤا به‌رپرسێن وه‌لاتێن جيهانێ پشكدار بن.
ئه‌ڤه د ده‌مه‌كى دايه كو سالا بۆرى، هه‌رێما كوردستانێ بۆ پشكدارى كرن د كۆنگره‌ى دا نه‌هاتبوو گازيكرن و ژ ئه‌گه‌رێ وێ چه‌ندێ دلته‌نگى ڤێ كه‌فت بوو.
