ھەڤبەندیێن ھەڤژینان د جودانە، خوە ل گەل کەسێ بەراورد نەکە
ئەڤرۆ نیوز:
چ تشت وەکو مایتێکرنێن دەرەکی ھەڤبەندیا ھەڤژینیێ ژناڤ نابەن، بەراوردکرنا ھەڤبەندیا خوە یا ھەڤژینی ب تایبەتمەندیا خوە و کاودانێن خوە ڤەل گەل ھەڤبەندیێن یێن دی کو وان ژی تایبەتمەندیێن خوە یێنھەین، ئێک ژ ڤان ھۆکارانە یێن ھەڤبەندیا ھەڤژینی ژ ناڤ دبەن.
ئەڤە ئەو لایەنێن ھەڤبەندیا تەنە کو نابین ل گەل ھەڤبەندیێن کەسێن دی بەراورد بکەی:
چەند دیاریێن ب بھا بۆ تە کڕینە: رەوشا دارایی یا مالەکێ ژ یا دی یا جودایە، بلا تو داھاتێ خێزانێ ژی بزانی، بلا ل بیرا تەبیت کو دیاری گرێدای دیتنا کەسوکی نە و ھەر ئێکی دیتنا خوە ل ھەمبەری دیاریان یا ھەی.
ھژمارا وان ویچنێن ل تۆرێن جڤاکی بەلاڤ دکەن: دبیت تو تۆرە ببی دەمێ تو دبینی ھەڤالەکا تە گەلەک وێنێن دلخۆش ل تۆرێن جڤاکی بەاڤ دکەت بەروڤاژی تە، بەلێ بزانە چ تشت وەکو تۆرێن جڤاکی د فێلباز نینن، کو گەلەک درەو و نەوەیی تێدا بەلاڤ دبن.
ژیێ ھەڤبەندیێ: دبیت دیسا تو تۆرە ببی ژ بەر درێژاھیا ھەڤبەندیا وێ ل گەل ھەڤالێ وێ، و ھەڤبەندیا تە یا کورتە، بەلێ بلا ل بیرا تە بیت کو ھەر رەوشەکێ تایبەتمەندیا خوە یا ھەی و ھەکە تو کەفتیە سەر رێکا راست دێ بیە خودان ھەڤبەندیەکا درێژ.
دەرکەفتن: دبیت تو پرسیارا ئەگەرێ دەرکەفتنا ھەڤالا خوە بکەی کو دچیتە گەلەک ژڤانان، یێن رۆمانسی و جڤاکی و یێن گرێدای کاری، بەلێ تو ھند ل گەل ھەڤالێ خوە دەرناکەڤی، وەکو مە گۆتی ھەڤبەنیدان تایبەتمەندیێن خوە یێن ھەین، تو دشێی گەلەک ژڤانان وەرگری بەلێ د مال ڤە و نە ژ دەرڤە، ب رێیا چێکرنا رەوشەکا رۆمانسی ل گەل خوارنا شیڤێ یان پێکەڤە بەرێخوە بدەنە فلمەکی.
ئەو دەمێ ئەو ل گەل خێزانا خوە دبەت: دبیت ھندەک جاران تو پرسیار بکەی، بۆچی ھەڤژینێ من ھندە دەمی ل گەل خێزانا خوە دبۆرینیت و ھەڤژینێ ھەڤالا من ھند دەمی ل مالا بابێ وێ دبۆرینیت؟ بزانە کو رەوش و گێولێن ھەر ھەڤژینەکی ژ یێ دی د جودا نە، کێم تێکەلی دێ ھەڤبەندیەکا دۆمدرێژ بەرھەمئینیت.
ھژمارا جارێن ھەڤبەندیا سیکسی: دبیت ھەڤالەکا تە ژ تە پتر ھەڤبەندیێن سیکسی ھەبن ل گەل ھەڤژینێ خوە، تو دشێی ھندەک رێیان داھێنی دا ھەمان خۆشی ببەی.
خۆشیا ھەڤژین ل سەر دیار دبن: دبیت ئەو د بنیات دا د دل نەخۆش بن، بەرۆڤاژی یا بۆ خەلکی دیار دکەن، لەورا بلا چاڤێ تە ل ھەڤبەنیدا تە بیت و گەلەک ل سەروسیمایێ خەلکی نەنێرە.
