چو پڕۆژێن وەزارەتا باژێرڤانيان ژ بەر قەیرانا دارایی نەھاتینە راوستاندن
ئەڤرۆ:
وەزیرا باژێرڤانی و گەشتوگوزار ل حوکمەتا ھەرێما کوردستانێ ئاشکرا کر کو چو پڕۆژێن وەزارەتا وان ژ بەر قەیرانا دارایی نەھاتینە راوستاندن، بەلکو ھندەک ژ وان پرۆژان کارێن وان ب سستی ب رێڤە دچن.
نەورۆز مەولود وەزیرا باژێرڤانی و گەشتوگوزار ھەروەسا گۆت ئەڤ قەیرانا دارایی یا کو پترە ژ ھەشت ھەیڤان روو ب روو ھەرێما کوردستانێ بووی، کارتێکرنا ل کار و پرۆژێن وەزارەتا وان کری بەلێ چو پرۆژەکێ وان ژ بەر ڤێ قەیرانێ ب تمامی نەھاتینە راوەستاندن.
وەزیرا باژێرڤانی ئاماژە دا وێ ژی کو ڤێ قەیرانا دارایی ھەموو کوردستان یا ڤەگرتی و وەزارەتا باژێرڤانی ژی ژێ بێ بەھر نەبوویە و شوونوارێن خراب ھەبووینە، ھندەک کۆمپانیان ژ بەر نەدانا کریێن کرێکارێن خوە کارێن خوە سست کرینە، بەلێ چو پرۆژە ب ئێکجاری نەراوەستیاینە.
ئەڤ ئاخفتنێن وەزیرا باژێرڤانی و گەشتوگوزار ل حوکمەتا ھەرێما کوردستانێ ل دەمەکی دانە کو ئێکەتیا وەبەرھێنەرێن کوردستانێ بەحسێ راوەستاندنا ب سەدان پرۆژان ژ بەر قەیرانا دارایی ل ھەرێمێ دکەن.