كورده‌كێ فه‌یلى سكالایه‌ك دژى نورى مالكى تۆماركر
ئه‌ڤرۆ نیۆز:
مونیر حه‌داد ئه‌ندامێ فراكسیۆنا جڤاتا ئیسلامى یا عیراقێ ب سه‌رۆكاتیا عه‌مار حه‌كیم سكالایه‌ك دژى سه‌رۆك وه‌زیرێن عیراقێ یێ به‌رێ نورى مالكى ل دادگه‌ها بلندا عیراقێ تۆماركر.
دانه‌ك ژ وێ سكالایێ گه‌هشته به‌ر ده‌ستێن ئه‌ڤرۆ نیۆز و تێدا هاتیه، پشتى فه‌رمانا سه‌رۆك كۆمارى هاتیه ده‌رخستن كو (مونیر حه‌داد ) ڤه‌گه‌ریت سه‌ر كارێ خوه ل دادگه‌هێ، نورى مالكى ب رێیا رێڤه‌به‌رێ نڤیسینگه‌ها خوه كو دهێته نیاسین ب ناڤێ (ئه‌بو موجاهد ئه‌لریكابى) گه‌فێن كوشتنێ ل مونیر حه‌داد كرینه، هه‌كه ڤه‌گه‌ریت سه‌ر كارێ خوه، و ناڤێن چه‌ندین دیده‌ڤانان ژى تێدا هاتینه تۆماركرن كو ئاگه‌هدارى وێ كێشێ بووینه.