دهۆک ده‌ربازی چارگوشا زێرین بۆ گاره ژی ده‌لیڤه ژی ده‌ست دا
ئەڤرۆ نیوز، ھەژار مەعروف:
یانا دھۆک سەرارای وەکھەڤیا خوە یا ئەڤرۆ ل گەل یانا نەوروز ل یاریگەھا وێ دەربازی چار گوشا زێرین یا خولا پلا نایاب یا کوردستانێ بوو پشتی مفا ژ وەکھەڤیا یانا گارە دیتی ل گەل یانا پێشمەرگا ھەولێری.
تیما دھۆک د یاریا خوە یا گەرا دەھێ و دووماھیێ دا ئەڤرۆ ل گەل یانا نەوروز ب گولەکێ وەکھەڤ بوو ب ڤی ئەنجامی دھۆک خالێن خوە گەھاندنە ١٧ خالان وەکو تیما رێزا دوێ دەرباز بوو.
ژلایەکێ دیڤە ل یاریگەھا پێشمەرگا ھەولێرێ تیما گارە نوونەرا دوێ یا پارێزگەھا دھۆکێ دڤێ کومێ دا نەشیا دەربازی چار گوشا زێرین بیت پشتی د یاریا خوە یا ئەڤرۆ دا ل گەل پێشمەرگا ھەولێرێ وەکھەڤ بووی و تیما پێشمەرگە وەکو سەرکێشا کومێ دەربازی قوناغا چار گوشا زێرین و د یاریەکا دی دا برایەتی ب سەرکەفت ل سەر سولاڤ ب گولەکێ بێ بەرامبەر پشتی یاریێن ڤێ کومێ ب دووماھی ھاتین پێشمەرگە و دھۆک دەربازی چار گوشا زێرین بووین و ھەر ئێک ژ یانێن برایەتی و گارە و نەوروز مانا خوە د خولێ دا پاراستی و یانا سولاڤ دێ چارڤەرێ تیما خودانا رێزا حەفتێ ژ کوما ئێکێ بیت بۆ کرنا دو یاریێن چارەنڤێسی پاشڤەزفرینا خولا پلا ئێک
ھەلویستێ کوما دوێ پشتی یاریێن گەرا دەھێ و دووماھیێ ب ڤێ رەنگی بوو.
پێشمه‌رگه هه‌ولێر ١٨ خال
دهوک ١٧ خال
گاره ١٦ خال
