خوه ژ ڤان 10 جۆرێن هه‌ڤالان خلاس كه
ئه‌ڤرۆ نیوز: ڤه‌ده‌ر ره‌شاڤایی:
ژیان بخوه یا پری ئالۆزی و نه‌خوه‌شی ییه، مرۆڤی پێدڤی ب هه‌ڤالانه، لێ هنده‌ك جۆرێن هه‌ڤالان یێن هه‌ین ل شوونا ببن بارسڤكی د ژیانا ته دا، بۆ ته نه‌خوه‌ش دكه‌ن و ژینا ته هندێ دی گرانتر لێ دكه‌ن، پێدڤییه خوه ژێ خلاس كه‌ی، تو پێدڤی وان نینی، ئه‌و ژی ئه‌ڤ 10 جۆره نه:
1. هه‌ڤالێن ئه‌زئه‌زی و بێ هه‌ست و سۆز:
ئه‌ڤ جۆره هه‌می ره‌وش و بارودوخا د گوهرن، هه‌كه‌ر مژاره‌ك یان ئاریشه‌ك ل دۆر ته بن، دێ وه‌سا گوهرن هه‌روه‌كی ل دۆر وان و ب وان تنێ ڤه گرێدایی، و های ژ ئاریشا ته نامینیت. هه‌ر ده‌م یێت ئالۆزییا دا، شۆلێ ته دبیته چاره‌سه‌كرنا ئاریشێت وان، ئه‌ڤ یه‌كه ژی مرۆڤی د وه‌ستینیت!
2. هه‌ڤالێ هه‌رده‌م تۆ ب خوه پلانا د گه‌ل ددانی:
هه‌رده‌م تو ته‌له‌فۆنا بۆ دكه‌ی، و په‌یاما بۆ د هنێری ب مه‌ره‌ما ده‌ركه‌فتنێ، ل ده‌مێ به‌رسڤا ته ژی ده‌ت، دێ وه‌سا به‌رسڤێ ده‌ت هه‌روه‌كی منه‌ته‌كێ ل ته دكه‌ت، وه‌كی: یا ژ من ڤه دێ هێم، لێ چێدبیت پیچه‌ك گیرۆ بم، و دڤێت زوو بزڤیرینه ڤه!
3. هه‌ڤالێن نه‌پێگیر:
ته پێدڤی ب كه‌سه‌كێ نینه كو هه‌رده‌م ل سه‌ر پلانا رازی بیت، پاشی پێگیریێ پێ نه‌كه‌ت، یا پاش بێخیت، یان كه‌سه‌كێ هه‌یڤه‌كێ به‌رزه بیت و هه‌روه‌كی مری و پاشی دیار دبیته ڤه.
4. هه‌ڤالێ هه‌رده‌م هه‌ستێ خوه ب كێم دیتنێ بۆ ته چێ دكه‌ت:
نابیت د گه‌ل هه‌ڤالێ خوه گاڤ و ده‌مان تو یێ ژ خوه هشیار بی و چاڤێ ته ل هه‌می ره‌فتارێن ته بچووك و مه‌زن بیت، ژ به‌ركو هه‌ڤالێ راسته‌قینه حه‌ز ژ كه‌سایه‌تییا ته یا سروشتی دكه‌ت و هه‌ر ب ره‌خنه‌گرتنا ته ڤه نامینیت، ئه‌ڤه یا جیاوازه ژ وێ یه‌كێ ده‌مێ هه‌ڤالێ ته، ته ژ شاشیێ ده‌ته پاش، هه‌كه‌ر مژار ئه‌ڤه بیت دێ تو هه‌ست پێ كه‌ی ماده‌م هه‌ڤالێ ته یه.
5. هه‌ڤالێت تنێ به‌رێ ته دده‌ته شاشییان:
بلا هنده‌ك جار تشته‌كێ بكه‌ى كو تو بزانی تو یێ ساخی و بیرهاتنه‌كا خوه‌ش بۆ ته ژێ چێبیت، لێ نه تشته‌كێ وه‌سا زیانه‌كا وه‌سا تێدا بیت ژێ په‌شیمان ببی.
6. هه‌ڤالێن به‌ریكێ:
هاریكاریكرنا هه‌ڤالی ئه‌ركه، لێ تو نه بانكا هه‌ڤالێ خوه‌ی، هه‌كه‌ر هه‌ڤالێ ته تنێ بۆ بده‌ستڤه‌ئینانا پاره و تشتێن ته هه‌ی د گه‌ل ته یه، ئه‌و چ مفا ناگه‌هینیته ته.
7. هه‌ڤالێن د ئیننه بیرا ته كو ته ته‌مه‌ت وان پاره و سامان نینه:
نابیت ته‌خا هه‌ژاری و زه‌نگینیێ رێگر بیت تو هه‌ڤالینیێ بكه‌ی، لێ هه‌كه‌ر گه‌هشته وی راده‌ی تو بینییه بیرێ ته هندی وی پاره نینه، تو نه‌شێی هه‌رۆژ بچییه وی جهێ بهاگران یێ ئه‌و د چنێ، د گه‌ل باخڤه و د گه‌ل هه‌می پلانێن وان نه‌به، هه‌كه‌ر نه خوه ژێ خلاس كه.
8. هه‌ڤالێن ب حوكم:
هه‌ڤالێ ب ره‌قی و گاڤ و ده‌ما بێژیته ته، تو یێ قه‌له‌وی یان تو خر هه‌ستی، پرچا ته یا كرێته و هێرڤه یان وێڤه دێ جوان بیت،هۆسا بكه هه‌ره ڤێرێ.. هتد، یان چاڤ ب سه‌ركه‌فتنێن ته رانه‌بیت، وه ل ته دكه‌ن تو هه‌ست پێ دكه‌ی تو گلێشی!
9. هه‌ڤالێن ناڤرا ناڤرا:
ئه‌و هه‌ڤالن هه‌كه‌ر هه‌ڤالێن وی یێن دی ده‌ست نه‌كه‌ڤن یان یێ ژ وان دلمایی بیت، ژ نوو به‌ره‌ڤ ته دهێن. تو بخوه بزانه تو ژ هه‌ژی هه‌ڤاله‌كێ ژ وی باشتری!
10. هه‌ڤالێ چ تشتێ هه‌ڤپشك د گه‌ل نه‌بیت:
هوون هه‌ردوو ل پۆله‌كا قۆتابخانێ دگه‌لێك بوون، لێ نۆكه ره‌وشا ته و یا وی/وێ یا هاتیه گوهرین، هه‌رچه‌نده هوون نوكه نێزیكی ئێك نینه و هه‌وه چ تشتێ هه‌پشك نینه و گۆتۆبێژێت وه د كێمن و گه‌لئێك ناگونجن، لێ ته دڤێت هه‌ڤالینییا وه نه‌مریت. بۆچی؟ سوحه‌بتا ته د گه‌ل ناهێت دێ بۆچی خوه ئێخییه وێ ره‌وشێ؟
