عیراق ب چانس دەرباز بوو
ئەڤرۆ نیوز:
ھەلبژارتیێ عیراقێ یێ تەپا پێ د یاریا خوە یا دوماھیێ ژ ڤاڤارتنێن موندیالا جیھانی یا روسیا ٢٠١٨ و ڤاڤارتنێن دەربازبوونا ئاسیا یا تەپا پێ شیا سەرکەفتنەکا گرنگ ل سەر ھەلبژارتیێ ڤێتنام توماربکەت ب گولەکێ بێ بەرامبەر ژ چارچوڤێ یاریێن گەرا دووماھیێ ژ کوما دوێ و پلێتا چارێ وەکو باشترین ھەلبژارتیێن رێزا دوێ دەربازبوونا خوە مسوگەر کر .
ھەلبژارتیێ عیراقێ ب سەرپەرشتیا راھێنەرێ خوە یێ نوو عەبدولغەنی شەھد ئەوێ بەری چار رۆژە ھاتیە دەست نیشانکرن ل جھێ راھێنەرێ بەری نوکە یەحیا عەلوان ئەوێ ھاتیە دورخستن ژبەر ئەنجامێن لاواز د ڤاڤارتنێن ئەڤ سالە دا .
ھەلبژارتیێ عیراقێ وەکو تیما رێزا دوێ دەربازبوو پشتی شیای ١٣ خالان ژ شەش یاریان کوم بکەت و ھەلبژارتیێ تایلەند رێزا ئێکێ ھات ب ١٤ خالان .
هه‌ژی گوتنێ هه‌لبژارتیێ عیراقێ چانسه‌کێ مه‌زن ئینا هه‌تا شیای ده‌ربازبیت کو پێدڤی بۆ سێ هه‌تا دو هه‌لبژارتی د یاریێن خوه یێن ئه‌ڤرو دا خوساره‌ت بن و عیراق سه‌رکه‌فتنێ توماربکه‌ن هه‌تا پلێتا باشترین هه‌لبژارتیێ رێزا دوێ مسوگه‌ر بکه‌ت و ئه‌ڤ چه‌نده هاته جهـ پشتی هه‌ر ئێک ژی هه‌لبژارتیێن سوریا و ئوردون و کوریا ژێری د یاریێن خوه یێن ئه‌ڤرو دا خوساره‌ت بووین
