ریال مەدرید گورزەک ل بەرشەلونە دا
ئەڤرۆ، زنار:
تیما تەپا پێ یا یانا ریال مەدرید گورزەک ل یانا بەرشەلونە دا پشتی سەرکەفتنەکا گرنگ ل سەر تومارکری ب دو گۆلان بەرامبنرە گۆلەکێ د چارچوڤێ یاریێن گەرا ٣١ ژ خولا ئسپانی د وی یاریێ یاریێ دا ئەوا ل یاریگەھا کامبنو ھاتیە کرن.
ل نیڤا ئێکێ ھەردو یانا زێدەرت یاری ل نیڤا یاریگەھێ دکر و د چەندین دەلیڤەیان دا ھەردو یانا شیان خوە نێزیکی گۆلا ئێکدو بکەن لێ چو ژ ھەردو تیمان نەشیان گۆلا پێشکەفتنێ توماربکەن ھەتا نیڤا ئێکێ ب دوماھی ھاتی.
د نیڤا دویێ دا ھەردو تیم باشتر ھاتنە د یاریێ دا و شیان ئاستەکێ باشتر پێشکێش بکەن ھەتا دەقیقەیا ٥٧ ژ یاریێ جیرارد پیکێ شیا گۆلا پێشکەفتنێ توماربکەت دەمێ مفا ژ کورنەرەکێ وەرگرتی، پشتی ڤێ گۆلێ یاریکەرێن ریال زێدەتر فشار ل سەر گۆلا یانا بەرشەلونە پەیدا کر بۆ راستڤەکرنا ئەنجامێ یاریێ ھەتا دەقیقەیا ٦٣ ژ یاریێ کەریم بنزیما شیا ب جوانترین شێوە گۆلا وەکھەڤیێ توماربکەت و ل دەقیقەیا ٨٤ دادڤانێ یاریێ کاپتنێ ریال مەدرید سێرجیو راموس ب کارتا سور ژ یاریێ دۆرخست و یاریکەرێن بەرشەلونە ئاستێ وان ژ لایێ ھێزا لەشی ڤەگەلەک لاواز بوو بەرامبەر یاریکەرێن یانا مەلەکی مفا ژ ڤێ چەندێ دیت و ل دەقیقەیا ٨٥ کرستیانو رونالدو شیا گۆلا دویێ و سەرکەفتنێ ل سەر یانا بەرشەلونە توماربکەت و یاری ب سەرکەفتنا ریال ب دوماھی بینت.
ب ڤی ئەنجامێ خالێن یانا ریال مەدرید بونە ٦٩ خال ل رێزا سیێ و یانا بەرشەلونە ما ل رێزا ئێکێ ب ٧٦ خالان.
