هه‌ر خێزانه‌كا ئاواره دێ ملیۆن دیناران وه‌رگریت
ئه‌ڤرۆ نیوز:
ئه‌ندامه‌كێ لیژنا كۆچ و كۆچبه‌ران ل جڤاتا نوونه‌رێن عیراقێ بۆ ئه‌ڤرۆ دیار كر كو بریار هاته دان بۆ هه‌ر ئاواره‌كێ ملیۆن دینار بهێنه مه‌زاختن و ڤێ هاریكاریا چ په‌یوه‌ندى ب هاریكاریا ملیۆن دینارى یا به‌رى نوكه‌ڤه نینه و گۆت “چ راستى بۆ وان گۆتگۆتكان نینه كو دبێژن هه‌ر ئاواره‌كێ ڤه‌گه‌ڕیته سه‌ر مال و مولكێن خوه دێ چار ملیۆن دیناران وه‌رگریت”.
سالم جومعه شه‌به‌ك ئه‌ندامێ لیژنا كۆچ و كۆچبه‌ران ل جڤاتا نوونه‌رێن عیراقێ دیار كر كو پشتى گه‌له‌ك بزاڤ هاتینه كرن شیان رازیبوونا حوكمه‌تا عیراقێ وه‌رگرن بۆ مه‌زاختنا ڤى كۆژمێ پاره‌ى بۆ ئاواران، چونكی ره‌وشا ئاواران نه‌یا باشه و پێدڤیه حوكمه‌تا عیراقى هه‌ڤكاریا هه‌رێما كوردستانێ بكه‌ت بۆ باشكرنا ره‌وشا ئابوورى یا ئاواران و گۆت “هه‌ر خێزانه‌كا ئاواره دێ ملیۆن دیناران وه‌رگریت و ئه‌ڤه هاریكاریه هه‌موو خێزانان ڤه‌دگریت و د وه‌خته‌كێ نێزیك دا دێ ده‌ست ب به‌لاڤكرنێ هێته كرن”.
ئه‌ندامێ لیژنا كۆچ و كۆچبه‌ران گۆت ژى “ئه‌و خێزانێن ڤه‌دگه‌رن حوكمه‌تا عیراقێ چ هاریكاریا وان ناكه‌ت و پێدڤیه میكانزمه‌ك بهێته دانان بۆ هاریكاریا وان خێزانێن دزڤرنه سه‌ر مال و مولكێن خوه و حوكمه‌تا عیراقێ هاریكاریێن دارایى پێشكێشى وان خێزانان بكه‌ت”.
