شاندێ هه‌رێمێ بۆ به‌غدا دێ ب سه‌رۆكاتيا نێچيرڤان بارزانى بيت
ئه‌ڤرۆ نيوز:
هه‌ر چه‌نده هێشتا ژڤانێ سه‌ره‌دانا شاندێ بلندێ هه‌رێما كوردستانێ بۆ به‌غدا نه‌هاتيه دياركرن، به‌لێ دهێته پێشبينيكرن رۆژا ئه‌ينى بيت و بڕياره نێچيرڤان بارزانى سه‌رۆكاتيا شاندى بكه‌ت.
ب گۆره‌ى وان پێزانينێن ل به‌ر ده‌ست، بڕياره سوبه‌هى رۆژا ئه‌ينى 8ى نيسانا 2016ێ شاندێ هه‌رێما كوردستانێ سه‌ره‌دانا به‌غدا بكه‌ت ژ بوو روونشتن ل گه‌ل حه‌يده‌ر عه‌بادى سه‌رۆك وه‌زيرێن عيراقێ بۆ دانوستاندنێ ل سه‌ر چه‌ندين ته‌وه‌ران و ژ وان ژى حوكمه‌تا نوو و كێشێن ناڤبه‌را هه‌رێم و به‌غدا.
هه‌ر چه‌نده هێشتا ب فه‌رمى نه‌هاتيه راگه‌هاندن، به‌لێ دهێته پێشبينيكرن ئه‌ڤ شانده ب سه‌رۆكاتيا سه‌رۆكێ حوكمه‌تا هه‌رێما كوردستانێ و قوباد ته‌له‌بانى جێگرێ سه‌رۆكێ حوكمه‌تێ بيت.
دووماهى شاندێ بلندێ حوكمه‌تا هه‌رێما كوردستانێ ل 31ى كانوونا دويێ يا سالا 2016ێ سه‌ره‌دانا به‌غدا كربوو و شاند يێ پێكهاتى بوو ژ هه‌ر ئێك ژ قوباد ته‌له‌بانى، دكتور فوئاد حسێن، دكتور رۆژ نورى شاويس و سه‌فين دزه‌ى.
