كوبانێ: 16 شه‌رڤانێن كورد شه‌هید بوون و 86 داعشى هاتن كوشتن
ئه‌ڤرۆ نیۆز:
بنگه‌هێ راگه‌هاندنا هێزێن یه‌كینه‌یا پاراستنا گه‌ل دوپاتكر، تیرۆرستێن داعشێ هێزێن پشته‌ڤانیێ بۆ به‌رهه‌ڤیێن هێرشێن نوو ژ باژێرێن ره‌قه و جه‌رابلس و مه‌نبج و گرێ سپیێ دئینن، هه‌ڤده‌م خوه‌یاكر، هه‌موو هێرشێن وان هه‌تا نها هاتینه تێكشكاندن.
د به‌یاننامه‌كێ كو ئه‌ڤرۆ هاتیه به‌لاڤكرن، شه‌رۆپێكدادانێن دژوار شڤێدى و هه‌تا نها د ناڤبه‌را شه‌رڤانێن كوبانێ و چه‌كدارێن داعشێ دا ل هه‌ردو تاخێن كانیا كوردا و جادا باژێرڤانیا و مه‌یدانا ئازادى ل به‌ره‌یێ شه‌رێ رۆژهه‌لاتێ دبه‌رده‌وامبوون، ئاماژه‌دا هندێ 4 چه‌كدارێن داعشێ ل كانیا كوردا هاتینه كوشتن و 5 ل جادا باژێرڤانیێ و 9 مه‌یدانا ئازادیێ.
به‌یاننامێ هه‌روه‌سا دیاركر،چه‌دارێن داعشێ هێره‌كا به‌رفره‌ه ل به‌ریێ باكۆرێ كوبانێ ئه‌نجامدا و و هێزێن شه‌رڤانێن كوبانێ ئه‌و هێرش ژناڤبرن و 45 داعشى هاتنه كوشتن.
به‌یاننامێ دا هاتیه هێرشێن شه‌رڤانێن كوبانێ ل سه‌ر بنگه‌هێن چه‌كدارێن داعشێ ل ده‌وروبه‌رێن كوبانێ ل گۆندێ حه‌له‌نج ترۆمبێله‌كا داعشێ هاتیه سۆتن ل گه‌ل كوشاتنا 4 چه‌كدارێن تیرۆرست و ل گوندێ ئیزاعه یا به‌ریێ رۆژئاڤا ترۆمبیله‌كا دى هاته سۆتن و 3 تیرۆست ژى هاتن كوشتن، و ل گوندێ مه‌نار كو د كه‌ڤیته ژێرى رۆژئاڤایا كوبانێ دو ترۆمبێلێن دى هاتن سۆتن و 7 چه‌كدراێن تیرۆست تێدا كوشتن.
هه‌روه‌سا به‌یناامێ دا هاتیه، د 24 ده‌مژمێرێن بۆرى دا 16 شه‌رڤانێن كوبانێ شه‌هید كه‌فتن، پشتى مێرانى و مێرخاسیه‌كا مه‌زن ل هه‌مبه‌رى دوژمنان به‌رچاڤكرن.