ب وێنە: یاریکەرەکێ پارێزگەھا دھۆکێ دبیتە قارەمانێ ئورۆپا
ئەڤرۆ نیوز،سەرکەفت رەشید:
ژبەر حەز و ڤیانا خو بو یاریا فێتنسێ کو ئەف وەرزشە ل کوردستانێ نینە کوردەکێ پارێزگەھا دھوکێ ل وەلاتێ سوید خو دگەھینیتە ناڤ رێزێن تیما تیم دەلتاجێم دا ، ژبەر شیانین وی یێن گەلەک باش راھێنەرێ تیمێ ب شیانێن وی مەندەھوش دبیت و دەلیڤەیێن پشکداری کرنی د قارەمانیان دا لبەر سینگی وی ڤەکرن و ئەو ژی ب دلسوزی و حەز و ڤیانا خو بو یاریا خو گرنگیەکا مەزن دەتە راھێنانێن خو ھەتا شیایی ل رێزا ئیکێ بھێت لسەر ئاستێ سوید ھەمیێ و پشتی سەرکەفتنێن وی یێن بەردەوام دەلیڤە بو ھاتە دان کو بناڤێ وەلاتێ سوید پشکداریێ دقارەمانیان دا بکەت لسەر ئاستێ یاریکەرێن درێژاھیا وان دگەھیتە ١٧٨ سەنتیمەترێ ، ریدیر نیروەیی شیا ب میدالیا زێری بھێتە خەلاتکرن دەمێ ل رێزا ئێکێ ھاتی دقارەمانیا سویدەن گراند پریسیک یا یاریا مەنس فیزیک دا ئەوا ھەڤرکێن وێ ل پاژێرێ مالمو ب پشکداریا ٥٣ یاریکەرێن وەلاتێن ئەروپی ھاتیە ئەنجامدان ل ریکەفتی ١٦- ٤- ٢٠١٦ و پشتی سەرکەفتنا وی دڤی قارەمانیی دا رێدیر نیروەی کو قارەمانێ کورد و ئورۆپا ب ڤی ناڤی ل وەلاتێ سوید یێ بەرنیاسە بۆ ئەڤرۆ نیوز دبیژیت من بناڤێ ئالایێ کوردستانێ و پێشمەرگەیێ قارەمان و چاڤ نە ترس پشکداری کر و من خو وەکی پێشمەرگەیەک دڤێ قارەمانیێ دا خو دیت و ئەز شیام ئالایێ کوردستانی وناڤی پێشمەرگەی بلندکەم و ھەردیسان ئەز ڤێ میدالیێ دکەمە دیاری بو پێشمەرگەیێن قارەمان وھەردیسان بو دەیکێن شەھیدێن کوردستانێ .
ھەر دیسان دبیژیت من گەلەک حەز دکر راگەھاندنا کوردی ژی دناڤ قارەمانیێ دا یا ئامادە با دا کو شیانین من بو وەلاتێ من دیارکربان .
بو زانین ریدیر نێروەی ئەڤە ١٥ سالە رەڤەندا کوردە ل وەلاتێ سوید ئەڤە بو جارا دووێ یە ب میدالیا زیری دھێتە خەلاتکرن و بەری ڤێ قارەمانێ پشکداری دچەندین قارەمانیێن دی ژیدا کریە و ژ سەرکەفتیین ئێکێ بویە وەک قارەمانیا نوردیک گراند پرێسیک یا یاریا ئەتلەتیک فێتنێس ئەوا ل باژێرێ ستوکھولم ب پشکداریا ١٦ یاریکەران ھاتیە ئەنجامدان و ریدیر شیا بو رێزا سیێ بدەست خوڤە بینیت و ھەر دیسان دقارەمانیا لوسیەمبەر کوپێن دا و لباژێرێ یوتوبوری رێزا دووێ بدەست خوڤە ئینا لسەر ئاستێ ٢٧ یاریکەران و دقارەمانیا دیسێند کوپن دا ژی شیابو ل رێزا سیێ بھێت ئەوا لباژێرێ لوند ھاتیە ئەنجامدان ب پشکداریا ٢٥ یاریکەران نوکە کورێ پارێزگەھا دھوکێ دھێتە ھژمارتن قارەمانێ وەلاتێ سوید دھەردوو یاریێن ئەتلەتیک فێتنس و مەنس فیزیک دا .
