شیعه نه شیان دهستههلاتداری یا عێراقێ ب رێڤه ببهن
ئهو كێشه و روودانێن ل بهغدا رووداین ههموو ڤهرێژا وێ هزر و تێگهها خهلهته یا كو دهولهتا عێراقێ پێ هاتیه ئاڤاكرن ل ژێر ناڤێ (دهولهتا هێزا لهشكهری) ب دهستێن بریتانیا، مهرهم ژ ڤی ناڤی ئهو بوو داكو ل سهر ئاستێ رۆژههلاتا ناڤهراست و ههرێمی و ل ئاستهكێ بهێز عێراق ركابهریا سیستهمێن لهشكهرێ دهڤهرێ بكهت. ههر زوو و بلهز ویلایهتا ( بهسرا و بهغدا و مووسل ) پێكڤه گرێدان و دهولهتا عێراقێ ژێ چێكر و (شاه فهیسهلێ ئیكێ) ژ سعودیێ ئینا و كره پاشایێ ڤێ دهولهتێ، پشتی ماوهیهكێ كێم ژ دهستههلاتداریێ، شاهی مللهتێ عێراقێ نیاسی چ ماڵن، لهورا د گوتنهكا خوه دا دبێژیت: (د عێراقێدا مللهتهك نینه ب ناڤێ مللهتێ عێراقی، بهلكو كوَمهكا مروڤێن ئاشوَپینه و هیچ ههستا وهلاتیبوونێ ل دهڤ وان نینه). واته كێش و ڤهكێشانێ یه و ههر كهسهكێ ب هێز بیت دهستههلات یا ویه و ههتا ئهڤرۆژی گوتنا شاهی راسته دهرمافێ ڤی وهلاتی. ئهزموون و میژوویا سهدسالیا بووری یا دهولهتا عێراقێ یا ئاشكهرایه كو ههر كهسهكێ دهستههلات گرتبیته دهست ل بهغدا (ژ شاهێ بهرێ و ههتا دگههیته حهیدهرێ عهبادی )، ب ههموو هێزا خوه بزاڤێن كرین بوَ (تهپه سهركرن و كوشتن و سوتن و ئهنفالكرن و ێرانكرن و برسی كرن و. .. .. .. .. هتد) یا خهلكێ ڤی وهلاتی، لهورا ئهڤروَ ژی دهولهتا عێراقێ ژ (مریهكێ كلینیكی بوَ مریهكی بایلوژی) واته دل و گولچیسك ژی لێ مرن. ب بوَچوونا من د هاوكێشهیا سیاسیا دهڤهرێ دا پێدڤیه و ل دووڤ رازی بوونا جڤاكێ نێڤ نهتهوهیی ب تایبهتی ئیدارا تازه یا ئهمریكا د دهمهكێ نزیك دا قهسام شهرعیهكێ بوَ ڤی وهلاتی دهربێخن و میراتێ وی ل سهر ههرسێ نهتهوه و مهسهبا دابهش بكهن ب رێكێن ئاشتی یێ بوَ سێ دهولهتا واته( كورد و سنه و شیعه ) وه ڤان سێ دهولهتان ب فهرمی وهربگرن ل نهتهوێن ئیكگرتی و ببنه ئهندام. ژ لایهكێ دی ڤه ئهڤ سێ دهولهته دێ بوَ ئهمریكا بنه دهستكهڤت د میژوویا ئازادیا گهلان دا و ل جهێ دهولهتهكا ههرفتی دێ بنه سێ دهولهتێن بهێز و دێ ههڤپهیمانێن ئهمریكا بن. ژ لایهكێ دیڤه ئهڤ سێ دهولهتێن تازه دێ پێشوازیێ ل ئهمریكا كهن كو وان بپارێزیت. یا ئاشكهرایهكو ئهمریكا ژی یا گههشتیه وێ باوهرێ ب تایبهتی پشتی روودانا داگیركرنا ئهنجوومهنێ نوێنهرێن عێراقێ ژ لایێ لایهنگرێن سهدری ڤه ئێدی هیچ دهرفهتا پێكڤه ژیانێ نهما د ناڤبهرا ( كورد و شیعه و سوننی ) یان دا. لێ ب باوهرا من ئهمریكا ژی دڤیا ئهڤ بارودوَخه ههر هوسا مابا ههتا رزگار كرنا مووسل ژبهر كو كارهكێ زوَر یێ كری بوَ چێكرنا بهلانسهكێ د ناڤبهرا هێزا پێشمهرگهی و هێزا حهشدا نیشتیمانی و هێزا لهشكهرێ عێراقێ، ئهڤه ژ لایهكی ڤه، ژ لایهكێ دیڤه دیسان د ناڤبهرا ههرێما كوردستانێ و سهروَك هوَزێن عهرهبێن سوننهدا، مهرهم ژ چێكرنا ڤێ بهلانسێ دهرئێخستنا تیروَرستێن داعشه ژ باژێرێ مووسل. لێ بهداخهوه ئهڤه گهلێ عێراقێ یه و روودانا ل گهل یهكتر بهریكانێ یه. ب باوهرا من ئهڤه ستراتیجیهتا ئهمریكایه و دێ مینیت بوَ بهرنامێ كاری یێ سهروَكێ داهاتی یێ ئهمریكا، چنكو راپوَرتهكا تێر و تهسهل یا تێته ئامادهكرن ژ لایێ تیمهكا سهدكهسی ڤه ژ راوێژكار و دبلوماسێن ئهمریكا ب سهروَكاتیا (بالیوَز رایان كروكهر) ل سهر چهوانیا پارڤهكرنا دهولهتا عێراقێ، پشتی ب دووماهی هاتنا شهرێ داعش. ئهڤه دهمهكه كار ل سهر ڤێ راپوَرتێ تێته كرن و ئهڤه دێ بیته كارناما سهروكێ داهاتیێ ئهمریكا و بریاره پشتی ههلبژارتنێن بهێن ههر كهسێ بوَ سهروك دێ وی پرۆژێ د وێ راپورتێ دا جێ بهجێ كهت. ستراتیجیهتا كارێ پارڤهكرنا عێراقێ ژی پێدڤی یه ب ڤهكۆاینهكا هێمنانه و ل سهر خوه بیت ، چنكو گوَرهپان دێ یا ڤهكری بیت بوَ هێزێن ههرێمی ژ وان ژی (سعودی، توركیا و ئیران) و ههر ئێكی ژ ڤان دهولهتا ژی ههڤپهیمانێن خوه ههنه و ههر ئێكی ژی بهرژهوهندیێن خوه ههنه و ل جهێ شهرێ ب وهكالهت دێ بیته شهرهكێ راستهوخوَ و پاشی دێ بیته ئهگهرێ كارهساتێن بوَركانی و وێرانكرنا دهڤهرێ بگشتی. لهورا ئهمریكا ژی گههشتیه وێ باوهرێ كو ئهو عێراقا ئهمریكا ڤییای و ئاڤاكری و رادهستی شیعا كری مفا بوَ ئهمریكا تێدا نهما و شیعه ژی نهشیان دهستههلاداریێ ل بهغدا برێڤه بببن و عێراق رادهستێ ئیرانێ كرن.
نازدارێن حوكمهتێ!! شێرزاد نایف حوكمهت ئهو سینگێ دلۆڤانه یێ وهلاتی سهرێ خوه دداننه سهر ئهو دایكا مهزنه یا ههمی تاكانی ب وهكههڤی خڕڤهدكهت و سهردهریهكا ب بهلانس ل گهل دكهت، بهلێ ب و دیتنا من حوكمهتا مه ههر وهكو خهلكهكێ تایبهت یێ نازاندی و ههتا وی رادهی هندهك كریهن ئاگر ل سهر سهرێ مه، ته هند دیت تهخهكا بژاره ژێگرت و ههمی دهسههلات كرنه د دهست دا، كو ئهو تهخ ههما دێ د سهر خوه داچیت و ههر تشتێ خواست ههما دێ كهت، ئهو ژی دێ د سهردا چیت و دهڤخین بیت، بۆ نموونه دێ بێژیت ئاوارهیێن بیانی برایێن مهنه و ژ دوور هاتینه چاڤێ خوه بدهنێ قهستا مه كریه بحهوینن و مهحفیرا سۆر بۆ رائێخن، شۆرهشگرن، چو قانوون ژی نه دسهر را دچن و نه دبنرا، بهلێ ل دووماهیێ یێن وهكو مالكی ژێ دهردكهڤن، یان ئهڤه ئاوارهێن مهنه و پسمامێن مهنه یێن فلان پارچێ نه، كونترۆلكرنا وان دێ بێسهر وبهر بیت، یان فلانكهس فلان حزب بوو، بابهتێ وی یێ (حهساسه) قهسر و قوسیران بدهنێ و ژنێ بۆ بینن و بكهنه بهرپرس، بلا ههمی تشت بۆ ههبن، یان بۆ نموونه فلان دهڤهر خهلكێ وێ یێ برینداره نهخاسمه بهری دهمی ژی دنازاندی بوون، یان كێمینهیه چو ئێزدی یه، مهسیحی یه، توركمانه، سابئهنه. ئهو بخوه بلا رێزگرتن جهێ دلخۆشیا ههمیانه، تهخێن نازدار د دیارن و د دهڤگازندهنه، یان دێ بێژیت بیاڤێ قانوونێ و قانووناسان ههمی ئیمتیازاتان بدهتێ و ئهم ههمی دكهڤینه ژێر حوكمێ قانوونێ ههما ئهو سهروهرن ههما حاكم و مافپهروهر چو بخوازن بلا بكهن، ئێدی كهس ژ مه نهوێریت خوه د بهررا بچیت، ل گهل رێزێن من بۆ پیشهیا وان، یانژی ته هند دیت تهخا نۆشداران ههما دی بێژن نۆشدار ههمی تشتن، مووچهیێن وان بكهنه فۆل و ل سهر سهرێ نهساخ و ههژاران دێ زال بن، یان رۆژنامهنڤیس د ههستیارن، یان وێژهڤانن. چاڤێ خوه بدهنێ، فلانكهس مرۆڤێ فلان كهسی یه و عهشیرهت ههمی دێ ب ناڤێ وی كاروبارێن خوه برێڤهبهن و. . هتد. دێ بینی ئهو تهخێن نازاندی ژی پتریا تهخێن دیتر د دهڤگازندهنه و نه درازینه، خوه ددانن ژ یێن دیتر چێتر. ئهڤ نازاندنه د ڤهرێژا خوه دا ههمی تێكههل دبن و كهس خوه نادهته ب یێ دی، د ئهنجامدا جڤاكێ نازاندی دهمدهمی دێ بۆ ته دهركهڤیت، وهكو وی زهلامێ سێ چار ژن ههین و ئێكێ ل سهر سهرێ یا دی دكهته شێر و ل پشترا ژی دێ چیت بیانیان نازینیت، دێ بیته مهسهلا (ئهز چیا تو چیا گولك ما بێ گیا). مرۆڤ د ناڤ جڤاكی و ل بهرامبهر دهستههلاتێ ههمان دهروونێ زارۆیان د ناڤ دا ههیه دهمێ دبینیت گرنگێ پێ دهێته دان، ئێدی دێ ئهو ژی ژ قهستا گریت و خوه نهقۆلهكهت. كورت و كرمانج ئهز دبینم حوكمهت وهكو ئاغایهكێ ل دووڤ گێۆلی یه و چو خشته و بهرنامهیێن رێخستی بۆ نازاندنا وهلاتیان نینه، ههمی ل سهر بهرژهوهندیان راوهستێن و كهسان، ئهڤه ژی كهنگی دیار بوو، دهمێ خهلك پێدڤی ب پێشمهرگهی بووین، رابوون نازاندن و پشتی هینگی بێدهنگ بوون.
