نه‌عسان: شه‌رێ پێشمه‌رگه و شه‌رڤانێن كوبانێ كه‌فتیه كولانان
ئه‌ڤرۆ نیۆز:
جێگرێ سه‌رۆكێ ده‌سته‌یا ده‌رڤه یا كانتونا كوبانێ دوپاتكر، شه‌رۆپێكدادانێن ئه‌ڤرۆ ل كوبانێ د ناڤبه‌را هێزێن پێشمه‌رگه‌ى و یه‌كینه‌یا پاراستنا گه‌ل (YPG) و (YPJ ) ل تاخ و كولانێن رۆژهه‌لات و باشۆرێ باژێرێ كوبانێ، به‌ر ب شه‌رێ جاده و كولان بۆ كولانێ دچیت.
ادریس نه‌عسان بۆ مالپه‌رێ پارتى دیموكراتى كوردستان راگه‌هاند، شه‌رڤانێن كورد ل كوبانێ، به‌ره‌ڤانیا دژوار دژى چه‌كدارێن داعشێ دكه‌ن، ب تایبه‌تى پشتى هاتنا پێشمه‌رگه‌ى، كو پشته‌ڤانیه‌كا مه‌زن یا توپباران كرنێ بۆ شه‌رڤانێن كوبانێ دكه‌ن، كو دبیته رێڤه‌كرنه‌ك بۆ پێشڤه‌چوونا شه‌رڤانان و ژناڤبرنا داعشێ، هه‌روه‌سا ئاماژه‌دا، ئه‌ڤرۆ هێزێن پێشمه‌رگه‌ى مل بملێ شه‌رڤانێن (YPG ) و (YPJ) پشكدارى د شه‌رى دا كریه، و هێز و پشته‌ڤانیه‌كا باش یا توپبارنكرنێ بۆ وانا ب چه‌كێ خوه‌یێ گران پێشكێشكر، كو بوویه سه‌ده‌ما تێكشكاندنا هێرشا چه‌كدارێن داعشێ.
ژئالیێ خوه‌ڤه لیوا عبدولمه‌جید حاجی فه‌رماندى فه‌رمانده‌یا پێشمه‌رگه‌ى ل كوبانێ گۆت: هێزا پێشمه‌رگه‌ى هێرشا داعشێ ل كوبانێ ب هه‌ڤاكرى ل گه‌ل هێزێن یه‌كیه‌نه‌یا پاراتسنا گه‌ل ل رۆژئاڤایێ باژێرێ كوبانێ ژناڤبر و شكاندن.
عه‌بدولمه‌جید حاجى هه‌روه‌سا خوه‌یاكر، هێزا پێشمه‌رگه‌ى و یه‌كینه‌یا پاراستنا گه‌ل و له‌شكرێ ئازادێ سوریا ل گه‌ل ئێك كومبوون كرن، و بڕیارا دانانا ژۆره‌كا هه‌ڤپشك بۆ به‌رسینكگرتنا چه‌كدارێن داعشێ و به‌ره‌ڤانیكرنا ژ كویانێ بهێته دانان.
