بلا ریفراندۆم ژ دهرڤهی ململانێ بیت
دۆزا سهرخۆبوونا كوردستانێ و ریفراندۆمێ دۆزهكا نهتهوهی و نشتیمانی یه و خهونهكا كهڤنار و دێرین و پیرۆزا ههر تاكهكێ كورده پتری سهد سالانه گهلهك خهونێ پێڤه دبینن و قوربانیێن مهزن ژێرا هاتینه دان، رووبارێن خوینێ هاتینه رێشتن، باژار و گوند و كاڤل و وێران بووینه، ژ بۆ ڤێ خهونێ ب سهدان خورتێن كورد هاتینه ب دارڤهكرن و خلفا وهریسان راموساینه، ب دههان ل ژێر ئهشكهنجێ گیانێ پیرۆز هندا كرینه، جهرگێن دایكان شهوتینه. هزرا ریفراندۆمێ و سهرخۆبوونا كوردستانێ دیتن و پێشنیارا كهسهكی یان ئالیهكێ دهستنیشانكری نینه، ئهڤه دۆزا گهلهكێ پێنجی ملیۆنی یه و گرێدای پێشهرۆژا ههموو كوردایه ئهڤه خواست و حهز و ئیرادا مللهتهكی یه دڤێت رێز لێ بهێته گرتن، ب دیتنا من ب چ سهدهم و بهانه بیت خوه ڤهدزین یان پشتگیری نهكرنا ڤێ دۆزێ ل گۆر ههموو پیڤهران دكهڤیته د چارچوڤێ خیانهتێ دا، ئاشكرایه كهس نینه نزانیت كو ئیرۆ رهوشا سیاسی ل ههرێما كوردستانێ رهوشهكا نهلباره و وهكو پێشچاڤ گوتارا كوردی یهك نینه و ناكۆكی و ئالۆزیێن ناڤخۆیی ژی ههنه و تێكلیێن نێڤبهرا پارتیێن كوردی و ئالیێن سیاسی وهكو پێدڤی نینه، دیسان كهس نینه كو نزانیت ئیرۆ ههرێما كوردستانێ د شهرهكێ ههری دژوار دایه ل گهل دهولهتا خیلافهتا ئیسلامی ل عیراقێ و شامێ، ژ وێ ژی كلێستر ئهو كریزا دارایی یه یا ئهڤ ههرێمه تێدا دهرباز دبیت، لێ بهلێ ل ههمبهر ڤێژی هندهك خالێن پۆزهتیڤ و د بهرژهوهندا كوردان دا ل ڤی دهمی ههنه ژ وانا: ئیرۆ سهد سالیا ل ههڤهاتنا سایكس پیكوت ب داوی هات كو ب ئهگهرێ ڤێ ل ههڤهاتنێ ب سهدان هزار كهس بوونه قوربان، بهلكو مللهتهكێ پێنجی ملیۆنی ب ئاخ و سهروهت و سامانێ خوهڤه بوویه قوربان و سایكس پیكو ب نهدادوهرانه گهلهكێ كهڤنارێ ل سهر ئاخا خوه كو ل وی دهمی د نێڤبهرا 750 هزار ههتا دو ملیۆن ئاكنجیان بوو هاته پارچهكرن و وهكی میرات ل سهر گهلان هاته بهلاڤكرن كو كوردستانه و د ههمبهر دا 50 هزار ههتا 200 هزار ئاكنجی ل كوێتێ و لبنانێ كرنه دهولهت و بوونه ئهندام د كۆما گهلان دا، بهلێ ئیرۆ ل سهد سالیا ڤێ رێككهفتنا دوور ژ و ژدانێ و ههموو ئهتهكێتێن مرۆڤایهتیێ و رهش یا ژ ئالیێ تهڤایا گهلێ كوردڤه تێ پرۆتهستوكرن گرژبوون فیستیڤالێن پرۆتهستویێ یێن تێنه گێران و كور و سمینار و میتیتگ یێن تێنه ل دارخستن ئهو ژی ژبۆ نههێلان و ژناڤبرنا ڤێ ل ههڤهاتنێ یه و توخویبێن دهستكردێن هاتینه دهینان و جهێ دلخوهشیێ یه قهت رۆژهكێ گهلێ كورد ئهڤ توخویبێن سایكس پیكوتێ ناس نهكریه و دانپێدان ژی پێ نهكریه، ههروهها ههرێما كوردستانێ وهك دیفاكتو ئیرۆ دهولهتهكا سهربخوهیه تنێ راگههاندن مایه و جڤاكێ نێڤدهولهتی لێ موكر وهره، چونكی ژ بهارا سالا 1991ێ وهره ئهڤ ههرێمه خوه برێڤه دبهت نزانم گرێدانا وێ ب عیراقا عهرهبی ڤه چ حیكمهتهك بۆ ههیه یان چ جۆره فهلسهفهیهكه، تنێ دا هزرا خوه د ڤێ خالێ دا بكهین، مانه گرێدانا ههرێما كوردستانێ ژ ئهگهرێ ههبوونا ڤان دو خالانه؟ (ئالیێ ئاسایشێ و پاراستنا ههرێمێ و ئالیێ دارایی) نها عیراقێ بودجهیا پێشمهرگهی و خهرجیێن وی یێن برین و مههانه یێن فهرمانبهرێن ههرێما كوردستانێ ژی برینه، ئانكو عیراق ب خوه ئامرازێن پێكڤهژیانێ یێن برین، ئانكو عیراق یا ب شێوهیهكێ نهراستهوخۆ دبێژیته كوردان ژ مه ڤهبن و چهندین مهساجێن ب ئهڤێ رامانێ شاندینه.
خالهكا گرنگا دن پێدڤیه ل پێش چاڤ بهێته وهرگرتن: ئیرۆ كورد ل جیهانێ ناڤدار بووینه و هاتینه نیاسین كو تاكه هێزه كاریه شیان و ههیبهتا دهولهتا ئیسلامی یا داعشێ بشكێنیت، ئهڤه ژی تشتهكێ ههری گرنگه. دیسان ب رێكا تێكلیان و ل سهر چ ئاست بیت كورد وهكو قوربانێن لیستكێن نێڤدهولهتی و زلهێزان هاتینه نیشادان و سوزداریا تهخهكا باش ژ خهلكێ جیهانێ ژبۆ ئالیێ كوردان هاتیه كێشان و ئاشنای دۆزا رهوایا وان بووینه و دۆز بۆ وان روهن و زهلال بوویه. ل ڤێره نابیت ئهم خالێن نێگهتیف و كاریگهر ژبیر بكهین و دڤیا حساب بۆ ڤان خالان بهێته كرن و ب هشیاری و زانابوون ل بهر چاڤ بهێته وهرگرتن، لێ خالێن پۆزهتیف پترن، لێ ب هێزترن لهورا ئیرۆ دهرفهت ههیه كو كورد ببنه خوهدی كیانهكێ سهربخوه و ل ئاخا خوه خوهدی دهركهڤهیت و ل جیهانێ ژی و ب تایبهت ل رۆژههلاتا ناڤین ببیته نمارهیهكا ئاسێ و حساب بۆ بهێته كرن، ئهڤ پرسه ژی نهیا وێ یه كو مۆلهت و دهستووری ژ خهلكهكێ بهێته وهرگرتن، ئهڤه چارهنڤیسێ گهلهكی یه و ئیرادا وی یه، نزانم چما پێنگاڤێن پراكتیك ناهێنه هاڤێتن؟ تنێ یا بوویه بابهتێ میدیایێ و پێخوارنا میدیاكاران و شرۆڤهكارێن سیاسی ئهگهر ئهم ل بهندێ بین ئهمریكا یان ژی رۆسیا یان ژی دهولهتێن كوردستان داگیر كرین بێژنه مه وهرن ریفراندۆمێ ئهنجام بدهن و د دووڤ دا دهولهتا خوه راگههینن! ئهڤه قهت رۆژهكێ نابیت. بلا ئهم وهكو كورد و سهركردایهتیا كوردی ژبیر نهكهین كو راگههاندنا سهرخۆبوونێ بێ قوربانی نابیت ههر هیچ نهبیت دڤێت ل وی چاخی حسابهكا مهزن ژبۆ توركیا و حكوومهتا ئاكهپێ بێتهكرن، چونكی دوژمنێ ههری سهرسهختێ دیرۆكی یێ گهلێ كورده و ئهوا ژێ بێت دێ كهت، بهلێ خۆشبهختانه گهلێ كورد ژ پیخهمهتی دهولهتا كوردی بهرههڤه ههموو قوربانیان بدهت و بلا سهركردایهتیا كوردی گومانا وێ یهكێ نهبیت ل داویێ دخوازم بێژم ل گۆر دووڤچونێن من ل سهر بابهتێ ریفراندۆمێ و سهرخۆبوونا كوردستانێ ئهو كوردێ نهمفادار ژی ژ ڤێ ئهزموونێ، بهلكو كوردێن د دهمێ رژێما بهعس دا خوهدی بهرژهوهندی و مفادار ژی ئیرۆ پر ب گهرمی دخوازن ریفراندۆوم وهره ئهنجامدان و دهنگ ب بهلێ ژبۆ سهرخۆبوونێ بدهن.
