پشتى پشته‌ڤانيا پارێزگه‌رێ دهۆك، ئه‌يوب ره‌مه‌زان ڤه‌گه‌رياڤه
ئه‌ڤرۆ نيوز:
ئه‌يوب ره‌مه‌زان رێڤه‌به‌رێ گشتی يێ رەوشەنبیری و هونەری ل پارێزگه‌ها دهۆك ئه‌ڤرۆ د په‌يجێ خوه‌دا يێ فێسبوكێ دا به‌لاڤكر كو ئه‌و دێ جاره‌كادى وەکو سەروکێ فیستیڤالێ فلمه فيسته‌ڤالا دهوك ڤه‌گه‌ريت پشتى كو به‌رى چه‌ند رۆژان ده‌ست ژ كارى كێشاى ژبه‌ر نه‌بوونا پشته‌ڤانيا دارايى:
ده‌قێ رونكرنا وى:
رونکرنەک بۆ حەژێکەرێن سینەما و فلم ساز و سینەماکار و هونەرمەند و رەوشەنبیر و رایا گشتی یێن بەرێز.
پشتی ئەڤروکە رۆژا ئێکشەمبی ۳۱ـ۷ـ۲٠۱٦ د پرێس کونفرانسەکی دا بریار هاتیە دان فلمە فیستیڤالا دهۆک یا نێڤدەولەتی دێ هێتە ئەنجامدان، ژبەر رژدیا ستافێ فیستیڤالێ و ب هانا هاتنا لایەنێن پەیوەندیدار ب تایبەتی بەرێز فرهاد امین ئەتروشی پارێزگارێ دهۆک، ژبۆ بەردەوامی دان ب فیستیڤالێ، من بریار دا بۆ گەرا ٤ێ یا فلمە فیستیڤالا دهۆک بزڤرم وەکو سەروکێ فیستیڤالێ و بۆ گەرێن بهێت کەسەکێ ژ هەژی و خودان شیان دەست نیشان بکەین بۆ وی پوستی، سوپاس بۆ هەر تاکەک و لایەنەک و سازیەکا بۆیە پشتەڤان بۆ بەردەوامی دان ب فلمە فیستیڤالا دهۆک یا نێڤدەولەتی.