ژ ئه‌گه‌رێ ته‌قه‌كرنێ نێزيكى 30 كه‌سان بوونه قوربانى
ئه‌ڤرۆ نيوز:
12 كه‌س هاتنه كوشتن و ژماره‌ك ژى بريندار بوون، ژ ئه‌گه‌رێ روودانه‌كا ته‌قه‌كرنێ ل هندستانێ كو ده‌مه‌كى به‌رى نوكه روودا.
ب گۆره‌ى رويته‌رز روودان ژ لايێ چه‌كدارێن نه‌نياس ڤه هاتيه ئه‌نجام دان ل ئێك ژ بازارێن قه‌ره‌بالغێن باژێرێ كوكراجهار ل هه‌رێما ئاسام ل هندستانێ كو ژ ئه‌گه‌رێ وێ 12 كه‌س هاتنه كوشتن و 15 ژى بريندار بوون.
رويته‌رز ژ زارێ به‌رپرسێن پۆليسان ڤه به‌لاڤكريه كو هه‌تا نوكه نه‌هاتيه زانين كو روودان يا تيرۆرستى بوويه يان نه، ديسا چاره‌نڤيسێ ته‌قه‌كه‌رى ژى ديار نه‌بوويه كا هاتيه كوشتن يان نه.
هه‌رێما ئاسام، هه‌رێمه‌كا دوور ده‌سته ل باكوورێ رۆژهه‌لاتێ هندستانێ، چه‌ندين ساله كێشه و هه‌ڤركيێن عه‌شيره‌ت و مه‌زهه‌بان يێن هه‌ين.