ئێكه‌تى دێ پۆستێ سه‌رۆكاتيا په‌رله‌مانى وه‌رگريت
ئه‌ڤرۆ نيوز:
خه‌له‌ف ئه‌حمه‌د بڕيارده‌رێ فراكسيۆنا ئێكه‌تى نشتيمانى كوردستان ل په‌رله‌مانێ كوردستانێ د داخۆيانيه‌كێ دا بۆ باسنيوز راگه‌هاند كو ده‌نگويه‌ك يێ هه‌يى ئێكه‌تى پۆستێ سه‌رۆكاتيا په‌رله‌مانى وه‌ربگريت، به‌لێ هه‌تا نوكه ژ لايێ مه‌كته‌با سياسى يا ئێكه‌تيێ ڤه ل سه‌ر وه‌رگرتنا وى پۆستى چو تشته‌ك بۆ وان نه‌گۆتيه و گۆت: “هه‌ر رێككه‌ڤن و پێنگاڤێن ده‌سپێكى ژى د پێناڤى چاره‌كرنا كاودانان دا ب هاڤێژن، ئه‌م وه‌كو فراكسيۆنا ئێكه‌تيێ ب كاره‌كێ باش دزانين”.
ئاشكه‌را ژى كر كو هه‌كه مه‌كته‌با سياسى يا ئێكه‌تيێ د چارچۆڤێ رێكه‌فتنه‌كێ دا، پۆستێ سه‌رۆكێ په‌رله‌مانى وه‌ربگريت، ئه‌ڤه دێ بيته ئه‌گه‌ره‌كێ باش بۆ رێكخستنا ناڤمالا كوردى و دووماهى هاتن ب كێشان و گۆت: “ئه‌م ڤێ بڕيارا مه‌كته‌با سياسى قه‌بول دكه‌ين و ب هه‌ند وه‌ردگرين”.