راپرسی د بەرژەوەندیا ترامپی دا نینن
ئەڤرۆ نيوز:
ل گۆر راپۆرتەکا BBC راپرسیێن ل ئەمریکا ل دۆر ھەلبژارتنێن سەرۆک کۆماریا وی وەلاتی نیشا ددەن کو پێگەھێ دۆنالد ترامپ بەربژێرێ کۆماریخوازان بۆ پۆستێ سەرۆک کۆماریا ئەمریکا رۆژ ب رۆژێ لاواز دبیت و ترامپ ١٠ ھەتا ١٥ خالان ل دووڤ ھیلاری کلینتۆنێ دھێت و ھەکە ئەنجامێ ھەلبژارتنان ژی وەسا بیت پارتا دیموکرات دێ بۆ چار سالێن دی ژی سەرۆکاتیا ئەمریکا بکەت.
د بەردەوامیا راپۆرتێ دا ھاتیە دیار کرن کو ھژمارەک زێدە ژ دەنگدەرێن ئەمریکا دبێژن دۆنالد ترامپ مرۆڤەک تەمام نینە و ھەکە ببیتە سەرۆکێ ئەمریکا دێ وەلاتی بەر ب قەیرانەکا مەزن ڤە بەت و ژ بەر ھندێ ژی ئەو ژ نەچاری پشتەڤانیێ ل کلینتۆنێ دکەن.
ھەژی ئاماژەپێدانێ یە کو ھەتا دەمەک بەری نھا ژی ئەنجاما راپرسیان نیشا ددان کو ھەڤرکیەکا توند د ناڤبەرا ھەر دو بەربژێران دا ھەیە و دەنگێ ترامپی ژی وەک کلینتۆنێ بوون و ھەتا چەندین کۆمپانیێن راپرسیان دیار کربوون کو دەنگێ ترامپی دێ زێدەتر ژی بن، لێ راپرسیێن ڤێ دووماھیێ د بەرژوەندیا ترامپی دا نینن.