ئه‌دهه‌م بارزانى: مه ژ بلى رێككه‌فتنێ چو چاره‌یێن دى نینن
ئه‌ڤرۆ نیوز:
سه‌رۆكێ جڤاتا سه‌ركرداتیا پارتى دیمۆكراتى كوردستان ل پارێزگه‌ها سلێمانیێ د راگه‌هاندنه‌كێ دا به‌حسێ وێ چه‌ندێ دكه‌ت، كو پارتى هه‌ر ده‌م پشته‌ڤانیا كۆمبوون و دانوستاندنا ئالیان دكه‌ت و دبێژیت” نوكه پشته‌ڤانیا بزاڤێن دكتور فوئاد حسێن سه‌رۆكێ دیوانا سه‌رۆكاتیا هه‌رێما كوردستانێ دكه‌ین، كو ب نوونه‌راتیا مه‌سعود بارزانى ژ پێخه‌مه‌ت رێككه‌فتنێ سه‌ره‌دانا ئالیێن سیاسى دكه‌ت”.
ل دۆر په‌یاما سه‌رۆك بارزانى، ئه‌دهه‌م بارزانى دبێژیت” په‌یامێن بارزانى د رۆهنن و دڤێت كوردستان ژ ڤێ قۆناغێ ده‌رباز ببیت و بۆ ڤێ مه‌ره‌مێ ژى، پێدڤیه هه‌موو ئالی پشته‌ڤانێن بزاڤێن وى بن”.
سه‌رۆكێ جڤاتا سه‌ركرداتیا پارتى ل سلێمانیێ دوپاتیێ ل وێ چه‌ندێ كه‌ت، كو مه ل هه‌رێما كوردستانێ ژ بلى بژاردا كۆمبوون و رێككه‌فتنێ چو بژارده و چاره‌یێن دى نینن، دڤێت ئه‌ڤه ژى حه‌زا گشتى یا هه‌موو ئالیان بیت، داكو ڤێ قۆناغێ ده‌رباز بكه‌ین”.