په‌رله‌مانێ توركيا دو باژێرێن كوردان كرنه پارێزگه‌هـ و ناڤێن وان گوهۆڕين
ئه‌ڤرۆ نيوز:
پرسا پارێزگه‌هبوونا هه‌ردو باژێركێن گه‌ڤه‌ر و جزيرێ ل په‌رله‌مانێ توركيا ب پتريا ده‌نگێن په‌رله‌مانتاران په‌سه‌ندكر و ب ئيمزايا سه‌رۆك كۆمارێ توركيا دێ ئه‌ڤ بڕياره كه‌ڤيته د وارێ بجهكرنێ دا.
ئێڤاريا رۆژا ئه‌ينى 12ى ته‌باخا 2016ێ په‌رله‌مانێ توركيا پرۆژێ پارێزگه‌هبوونا هه‌ردو باژێركێن گه‌ڤه‌ر و جزيرێ ل جهێ شرناخ و جۆله‌مێرگ په‌سه‌ندكر و هه‌موو رێكارێن كارگێرى و قانوونى خستنه به‌ر به‌حس و ڤه‌كولين ب پتريا ده‌نگێن په‌رله‌مانتاران هاته په‌سه‌ندكرن، نوكه ژى پرۆژێ قانوونێ چاڤه‌رێ ئيمزا ره‌جه‌ب ته‌يب ئه‌ردوگان يێ سه‌رۆك كۆماره.
پشتى په‌سه‌ندكرنا پرۆژێ قانوونێ ناڤێن هه‌ردو پارێزگه‌هان دێ هێنه گوهۆڕين و گه‌ڤه‌ر دێ بيته جۆله‌مێرگ و ب ناڤێ وێ يێ كه‌ڤن و ره‌سه‌نێ كوردى بكارهێت و ل جهێ جزيرێ ژى دێ ناڤێ نوح ب كارهێت.
