خه‌لكێ ناحیا گه‌یارا ژ تۆلڤه‌كرنا له‌شكرێ عیراقێ د ترسن
ئه‌ڤرۆ نیۆز:
ژێده‌ره‌كێ ل ناحیا گه‌یارا ئاشكراكر، پڕانیا هۆزا جبورى چاڤه‌رێ هاتنا پێشمه‌رگه‌ى و له‌شكرێ عیراقێ نه بۆ هندێ دژى داعشێ رابن. پڕانیا ناحیا گه‌یاره خالكێ هۆزا عه‌ره‌بێن جبورى نه كو 60 كیلومه‌تران ل باشۆرێ مووسله و خه‌لكێ وێ ده‌ڤه‌رێ تووشى ده‌رد و مه‌ینه‌تێن مه‌زن بووینه دده‌ستێن چه‌كدارێن داعشێ دا.
ل گۆڕ ژێده‌رێ ناڤبرى كو بۆ ئاژنسا شه‌فه‌ق نیۆز گۆتیه: خه‌لكێ ناحیا گه‌یارا هه‌ستا دێ بۆ په‌یدابوویه پشتى له‌شكرێ عیراقێ و ملیتانێن شیعى به‌رب ده‌ڤه‌رێن تكریت و بێجى ڤه هاتین، زێده‌بارى پێشڤه‌چوونا هێزێن پێشمه‌رگه‌ى ل ده‌ڤه‌رێن باكورێ گه‌یارا و رۆژهه‌لاتا مووسل.
هه‌روه‌سا دبێژن، ئه‌م ژ كریارێن تۆلڤه‌كرنێ دژى خه‌لكێ سڤیل و بێ گونه‌ه دترسین، به‌لێ ئه‌و نه‌شیان ئاوه‌ریى ده‌رڤه‌ى وان جهێن ژێر كونترۆلا چه‌كدارێن داعشێ ببن، به‌لێ هه‌روه‌سا خوه‌یاكر، هه‌موو گه‌نجێن هۆزا جبورى د ئاماده‌نه ل گه‌ل هێزێن پێشمه‌رگه‌ى و له‌شكرێ عیراقێ دژى چه‌كدارێن داعشێ شه‌رى بكه‌ن و ژ ده‌ڤه‌رێن جبوریان ده‌ربێخن.