میناس و عه‌ربۆش و عه‌لبلۆر ل كوبانێ هاتن ئازادكرن
ئه‌ڤرۆ نیۆز:
فه‌رماندێ هێزا پێشمه‌گه‌ى ل باژێرێ كوبانێ راگه‌هاند، هێزێن پێشمه‌رگه‌ى بهه‌ڤكارى ل گه‌ل یه‌كیه‌نیا پاراستنا گه‌ل و هێزێن له‌شكرێ ئازادێ سورى، هێرشێن داعشێ ل كوبانێ ژ ناڤبرن و به‌رسڤا وانا ب موشه‌ك و توپب و هاونان ژ ئالیێ پێشمه‌رگه‌ى هاته دان، هه‌موو جه و بنگه‌هێن گوندێن ده‌وروبه‌رێن باژێرێ كوبانێ ژ ئالیێ رۆژهه‌لات و باشورى ڤه كرنه ئارمانج، و هێزه‌كا پشته‌ڤانیێ بۆ شه‌رڤانان په‌یداكر ژبۆ پێشڤه‌چوونێ و چه‌كدارێن تیرۆرستێن داعشێ شكاندن.
لیوا عه‌بدولقه‌هار مه‌جید حاجى د په‌یوه‌ندیه‌كا تلفونى دا بۆ مالپه‌رێ پارتى دیموكراتى كوردستان ئاشكراكر، هێزێن كوبانێ ئه‌ڤرۆ پێشڤه‌چوونه‌كا به‌رچاڤ دژى تیرۆرستێن داعشێ ئه‌نجامدان و زیانه‌كا مه‌زن یا گیانى و چه‌كى ژى ب داعشێ گه‌هاندن.
لیوا عه‌بدولقه‌هه‌ار مه‌جید حاجى ئاماژه‌دا، ئه‌نجامێ وان شه‌روپێكدادانێن جاده و كولانان وه‌كى شه‌رى جادان لێ هات و پێشمه‌رگه و شه‌رڤانێن كوبانێ شیان ده‌ڤه‌را بیستانێن عه‌ربۆش كو 3 كیلومه‌تران ژ كوبانێ دووره ئازاد بكه‌ن و چه‌كدارێن داعشێ پاشه‌كشێ بكه‌ن، پاشى هه‌موو ده‌ڤه‌رێن گوندێ بجه هێلان و ده‌ركه‌فتن.
هه‌روه‌سا ل گۆڕ پێزانینێن چالاكڤانێن سڤیل گۆتن، هێزێن هه‌ڤپشكێن كوردان سێ گوندێن دى ژى ئازاد كرینه، كو ب ناڤێ (میناس و عه‌لبلۆر و عه‌ربۆش) ل رۆژئاڤایا كوبانێ.