مفایێن سكسى ل دانێ سپێدێ
ڤەکۆلینەکا نوو ئاشکەرا کریە کو تێکرایا ھورمۆنێ “تیستستیرۆن” ل گەل ھەلاتنا رۆژێ بلند دبیت، ئانکو ل سپێدێ زوو، ئەڤە وێ چەندێ دگەھینیت کو دەمێ مرۆڤ ژ خەو رادبیت حەزا سیسکی یا ل کوپیتکێ وەکو د گۆڤارا Women’s Health بەلاڤبووی.
ژ وان ئاریشێن سپێدەھیان دکەڤنە بەر سینگێ ژنێ نەئارامی و ھزرکرنا کاروبارێن رۆژێ نە ل ناڤمالێ و کارێن دی ھەکە ھەبن، د. تامی نیلسۆن نڤیسەرێ پرتووکا ساخلەمیا سیکسی دیار دکەت کو دوور کەفتن ژ موبایلێ و ئنترنێتێ ل سپێدەھیان گەلەک باشترە بۆ نەھێلانا وان ھزران چونکو بەرێخوەدانا ئێمیلی و فێسبووکێ ل سپێدەھیان گێولێ مرۆڤی نەخۆش دکەت و د ئەنجام دا ل وی دەمی دێ ھەڤبەندیەکا سار پەیدا بیت.
ئەڤە ھندەک ژ وان شیرەتێن مالپەرێ iDiva و گۆڤارا Women’s Health ل دۆر ھەڤبەندیا گەرم ل دانێ سپێدێ بەلاڤکرین:
کۆپەکێ ئاڤێ یان ھەر تشتەکێ دی بیت دانە بەر تەنشتا خوە ل بەری نڤستنێ دا ئاریشا ئێکێ نەھێلی کو بێھنا دەڤیە و دبیت بۆ تە یا نەخۆش بیت. گوھلێبوون ێنگاڤا ئێکێ یە، بەری ھەڤژینێ تە ل سەر دەنگێ سەعەتا ھشیارکرنێ ھشیار بیت تو ب پەیڤەکا نەرم ھشیار بکە. خوە پشتراستبکە کو ئەو جلکێن ل بەر تە ب دلێ ھەڤژینێ تەبن. نازان لێبکە و پشت و پێن وی بپەرخینە.
پێنج ئەگەر بۆ ئەنجامدانا ھەڤبەندیا گەرم ل دانێ سپێدێ:
ھندەکان ئاریشە ھەیە بۆ دەستنیشانکرنا ژڤانێ ئەنجامدانا ھەڤبەندیا گەرم، ب ئارمانجا بدەستڤەئینانا بلندترین ئاستێ خۆشیێ بۆ ھەردو لایان، تو دزانی کو ئەنجامدانا ھەڤبەندیا گەرم ل سپێدەھیان یا ھاریکارە بۆ باشترکرنا رەوشا تەیا ساخلەمی ب شێوەکێ بەرفرەە.
ئەڤە ژی ھندەک مفایێن ھەڤبەندیا گەرمن ل سپێدەھیان:
زانا دبێژن کو دەمێ زەلام دنڤیت ھورمۆنێ تستستیرۆن یێ تایبەت بۆ رۆژا پاشتر ل نک وی بلند دبیت و حەزەکا ب ھێز بۆ ئەنجامدانا ھەڤبەندیا گەرم ل دانێ سپێدێ بۆ چێدبیت.
ھەڤبەندیا گەرم ل سپێدەھیان کارێ کوئەندامێ بەرھنگاریێ باشتر لێدکەت، کو تووشبوونا ب ھندەک نەخۆشیان کێم دکەت وەکو ئنفلەوەنزایێ.
ڤەکۆلینان دیار کریە کو ئەو کەسێ رۆژا خوە ب ھەڤبەندیا سیکسی دەستپێبکەت گەلەک ژ وی کەیفخۆشتر و گەشبینتر دبیت یێ ب تنێ تێشتێ دخۆت.
ئەو ھەڤبەندی ھندەک کەرستێن کیمیاوی بەرددەت کو تێکرایا ئەسترۆژینی بلند دکەت کو کوالێتیا پیستی بلند دکەت و پرچێ باشتر لێدکەت.
ئەنجامدانا ھەڤبەندیا سیکسی ل دانێ سپێدێ و سێ جاران د حەفتیێ دا مەترسیا تووشبوونا گرفتاریێن دلی کێم دکەت.