هێزا پشته‌ڤانيا ئێك گۆندێن سنورێ داعش ل ناوه‌ران بۆردۆمان كرن
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ راگه‌هاندنا فه‌رمانده‌يا هێزا پشته‌ڤانيا ئێك راگه‌هاند كو تۆپخانێن فه‌رمانده‌يا هێزێن پشته‌ڤانيا ئێك ب چه‌كێ گران باره‌گايێن داعش ل گۆندێن “مه‌خفه‌ره، خورسه‌بات، بابيوخت و عه‌مر قامچى” ل سنورێ ميحوه‌رێ ناوه‌ران ب دژوارى هاتنه بۆردۆمانكرن.
هه‌مان ژێده‌ر بۆ ئه‌ڤرۆ نيوز گۆت: “بۆردۆمان يا به‌رده‌وامه و زيانێن مه‌زن ب چه‌كدارێن داعش كه‌فتينه و سێ چه‌كدارێن وێ هاتينه كوشتن و حه‌فت ژى بريندار بووينه و ئه‌و چه‌كێ سه‌نگه‌رێن پێشمه‌رگه‌ى پێ دهاتنه بۆردۆمانكرن، هاتينه ژناڤبرن”.
دا زانين ژى كو ئه‌ڤه وه‌كو به‌رسڤه‌كێ بوو ژ لايێ هێزێن پێشمه‌رگه‌ى ڤه بۆ چه‌كدارێن داعش ل وان گۆندان ژ به‌ر كو ماوه بۆ ماوه‌ى ب چه‌كێ هاونى سه‌نگه‌رێن پێشمه‌رگه‌ى بۆردۆمان دكه‌ن.