ده‌ست ب به‌لاڤكرنا گازا سپى هاته كرن
ئه‌ڤرۆ نيوز:
ژ بۆ خوە بەرھەڤکرن بۆ بەلاڤکرنا گازا سپی پلێتێن ھژمارە ئێک یێن ھاتینە بەرھەڤکرن و دێ ل سەر قەزا و دەڤەرێن سار و چیایی دا ھێنە بەلاڤکرن و ئەڤرۆ ل دەسپێکێ دێ ب سەر وەلاتیێن قەزا ئامێدیێ ھێنە بەلاڤکرن.
بەھمەن ئەحمەد رێڤەبەرێ ناحیا دێرەلۆک بۆ ئەڤرۆ دیارکر، کو ئەو ھاتینە ئاگەھدارکرن کو ئەڤرۆ دێ پلێتێن ھەژمارە ئێک یێن گازا سپی ھێنە بەرھەڤکرن و پێدڤیە ھەر د ئەڤرۆ دا دەست ب بەلاڤکرنا وان ل سەر ولاتیان دا بھێتە کرن و گۆت: “قەزا ئامێدیێ ئێک ژ دەڤەرێن چیایی و سارە و وەرزێ زڤستانێ زوو دگەھیتێ، دێرەلۆک ژی ئێک ژ ناحیێن سەر ب قەزا ئامێدیێ ڤە یە ژ بەر وێ یەکێ پێدڤیە گازا سپی ھەر ل دەسپێکا وەرزێ پایزێ ب سەر وەلاتیێن دەڤەرێ دا بھێتە بەلاڤکرن”.
ناڤبری ئاشکراکر کو ژ بەر وێ یەکێ ل دەسپێکی دێ گازا سپی ب سەر دەڤەرا وان دا ھێتە بەلاڤکرن و ھەر ل پشتی گەھشتنا پلێتا ھژمارە ئێک دێ ل نێزیکترین دەم گاز گەھیتە دەڤەرێ و دێ ب سەر وەلاتیان دا ھێتە بەلاڤکرن.