پێنج گۆند هاتنه‌ رزگاركرن

ئه‌ڤرۆ نيوز:

ئاخفتنكه‌رێ ب ناڤێ شانا راگه‌هاندنا شه‌رى راگه‌هاند كو پرۆسا رزگاركرنا مووسل يا ده‌سپێكرى و هه‌تا نوكه‌ ژى پێنج گۆند يێن هاتينه‌ ئازادكرن كو پێشڤه‌چوون ژى د به‌رده‌وامن، ته‌كست ژى كريه‌ كو سه‌رۆك بارزانى سه‌رپه‌رشتيا شه‌رى دكه‌ت.

ئاخفتنكه‌رێ بناڤێ شانا راگه‌هاندنا شه‌رى عه‌ميد هه‌لگۆرد حكمه‌ت بۆ مالپه‌رێ فه‌رميێ پارتى ديموكراتى كوردستان گۆت: “سپێده‌هيا ئه‌ڤرۆ هێزێن پێشمه‌رگه‌ى ل ميحوه‌رێ خازر ب سه‌رپه‌رشتيا سه‌رۆك بارزانى ل سێ ميحوه‌ران هێرش بۆ سه‌ر داعش ده‌سپێكريه‌ و نوكه‌ د پێشڤه‌چوونێ دانه‌ هه‌تا نوكه‌ پێنج گۆند ئازاد كرينه‌ و جاده‌ ناڤبه‌را مووسل و هه‌ولێر ژى نوكه‌ د ده‌ست پێشمه‌رگه‌ى دايه‌”.

 ئاخفتنكه‌رێ ب ناڤێ شانا راگه‌هاندنا شه‌رى زێده‌تر گۆت: “د هێرشا ئه‌ڤرۆ دا ب تنێ هێزێن پێشمه‌رگه‌ى د پشكدارن و چو هێزه‌كا دى پشكدارى د ڤى شه‌رى دا نه‌كريه‌”.

عه‌ميد هه‌لگۆرد حكمه‌ت دا زانين ژى كو وه‌كو قووناغا ئێكێ ل ميحوه‌رێ خازرى پرۆسا رزگاركرنا مووسل ده‌سپێكريه‌.