ئه‌نازۆل: فرۆكێن هه‌ڤپه‌یمانان هێرشه‌كا داعشێ ل شنگالێ تێكشكاند
ئه‌ڤرۆ نیۆز:
چه‌كدارێن داعشێ ل شنگالێ خوه ئادماده‌ى هێرشكرنێ كربوون، به‌لێ هێزێن فرۆكێن ئه‌سمانى یێن هه‌ڤپه‌یمانان هێرشه‌ك كره سه‌ر تیرۆرستێن داعشێ و تێكشكاندن.
خالد سه‌یدو ئامر هێزا شه‌ڤه‌گه‌را چه‌كدارێن ئێزدى ل شنگالێ بۆ ئاژانسا ئه‌نازۆل یا توركى گۆت: هژماره‌كا ترۆمبێلێن چه‌كدارێن داعشێ ل نێزیكى مه‌زارێ شه‌رفه‌دین خڕڤه‌بوون، ب مه‌ره‌ما هێرشكرنا سه‌ر مه‌زارى ناڤبرى كو ب سه‌ده‌هان چه‌كدراێن كوردێن ئیزَدى به‌ره‌ڤانیێ ژوى مه‌زارى دكه‌ن.
هه‌روه‌سا خالد سه‌یدوى خوه‌یاكر، به‌رى هێرشكرنێ فرۆكێن هێزێن هه‌ڤپه‌یمانان
هێرشكرنه سه‌ر چه‌كدارێن تیرۆرى یێن داعشێ و هه‌موو ترۆمبێلێن تێكشكاندن، زێده‌بارى سۆتن وێرانكرنا عومبارا چه‌ك و ته‌قه‌مه‌نیا داعشێ زێده‌بارى زیانه‌كا مه‌زن یا گیانى د ناڤ چه‌كدارێن داعشێ دا هه‌بوو.
خالد سه‌یدوى گۆت: هه‌روه‌سا هێرشه‌كا دى كره سه‌ر خڕڤه‌بوونه‌كا دى كو پشته‌ڤانیا وێ هێرشا داعشێ دكرن، و نێزیكى 10 تیرۆستان كوشتى و بریندار كرن.