كاودانێن ئه‌منى يێن ئامه‌د تێكچوون
ئه‌ڤرۆ نيوز:
پشتى ده‌سته‌سه‌ركرنا هه‌ڤسه‌رۆكێن باژێرڤانيا مه‌زنا ئامه‌دێ گولتان كشاناك و فورات ئانلى ل 25ى چريا ئێكێ يا ئه‌ڤ ساله رۆژ بۆ رۆژێ ره‌وشا وى باژێرى خرابتر يا لێ دهێت.
دوهى رۆژا سێشه‌مبى رێكه‌فتى 1ى چريا دويێ ژى ره‌جه‌ب ته‌يب ئه‌ردۆگان قه‌يۆمه‌ك بۆ ب رێڤه‌برنا كاروبارێن باژێرڤانيا مه‌زنا ئامه‌دێ ده‌ستنيشانكر و ب ڤێ چه‌ندێ ژى نه‌رازيبوونێن خه‌لكى مه‌زنتر لێ هاتن.
بايكوتكرنا ده‌وامێ ژ لايێ كارمه‌ندێن باژێرڤانيێ و خرڤه‌بوونێن زنێن جڤاكا مه‌ده‌نى و پشته‌ڤانێن به‌ده‌پێ د به‌رده‌وامن و حوكمه‌تێ ژى هێزه‌كا زۆر يا ئه‌منى يا ب ناڤ باژێرێ ئامه‌دێ دا به‌لاڤكرى.
دانا ڤى قه‌يومى بۆ ب رێڤه‌برنا كاروبارێن باژێرڤانيا مه‌زنا ئامه‌د، بۆ جهێ نه‌رازيبوونا به‌ده‌پێ و داخوازا چالاكيان ل دژى ڤێ بڕيارێ دكه‌ت.
