ئه‌و كینه بۆ كوشتنا ئه‌بو به‌كر به‌غدادى هاتینه به‌غدا؟
ئه‌ڤرۆ نیۆز:
هه‌ڤده‌م گه‌هشاتنا تێما تایبه‌تا ئه‌مریكى ب مه‌ره‌ما كوشتنا سه‌ركرده و خه‌لیفێ چه‌كدارێن داعشێ ئه‌بو به‌كر به‌غدادى، راپۆرتێن له‌شكرى یێن عیراقێ ئاشكراكر كو چه‌كدارێن داعشێ تێمێن كوماندو هه‌نه، هه‌مان تێما ئه‌مریكى ب كارێ گرتن و كوشتنا سه‌ركردێ رێكخستنا قاعیده یا تیرۆرى ل ئه‌فغانستان رابوو.
تێما كوماندویا ئه‌مریكى بۆ كوشتنا ئیبراهیم عواد ئه‌لبه‌درى یێ سامه‌رایى یێ به‌رنیاس (ئه‌بو به‌كر به‌غدادى) گه‌هشتینه به‌غدا، ئه‌فسه‌ره‌كێ له‌شكرێ عیراقێ ب پله‌یا عه‌مید روكن دناڤا ده‌سته‌یا سه‌رۆكاتیا سوپاسالاریا له‌شكرێ عه‌ره‌بى یێ نوودا ئاشكراكر، هژمارا تیما ئه‌مریكى ژ 16 ئه‌فسه‌ران پێكدهێت و 7 ژوان گه‌هشتینه به‌غدا، و ده‌ست ب كومكرنا پێزانیان كرینه دانا بناغه‌كێ پێزانیان یێ به‌رفه‌ره زێده‌بارى بكارئینانا هنده‌ك عیراقیان ژ هۆزێن عه‌ره‌ب و وه‌لاتیان ل جهێن ژێر ده‌ستێن داعشێ.
لبه‌ره ئه‌ندامێن تیمێ یێت مایى ژى بگه‌هه‌ن، ل گۆڕ پێزانینێن له‌شكرى و ئه‌فسه‌رێن له‌شكرێ عیراقێ كو نه‌ڤیایه ناڤێ خوه ئاشكراكر كه‌ت، تێما تایبه‌تا ئه‌مریكى دور ژ له‌شكرێ ئه‌مریكى و عیراقێ ژى كار دكه‌ن، هه‌تا نها ب كارێ سێ سه‌ره‌دانا ژ ده‌رڤه‌ى به‌غدا ئه‌نجامداینه.
به‌رپرسێ عیراقى گۆت: تیما ئه‌مریكى زمانێ عه‌ره‌بى باش دزانن و بنگه‌هێ حاكمێ مه‌ده‌نى یێ ئه‌مریكى یێ به‌رى پۆل برێمه‌رى بخوه كرینه بنگه‌هه‌كێ تایبه‌ت ل عیراقێ، ل ژێریا ده‌ڤه‌را كه‌سه‌ك ل به‌غدا، داخواز ژ له‌شكرێ بكارێ ئێمناهیا وێ ده‌ڤه‌رێ رادبن رێ ل هه‌مبه‌رى چو كه‌سه‌كى یێ بهێته ده‌ف وان نه‌گرن، و رێخۆشكرن بۆ وان كه‌سان هه‌بیت بێى پشكنین و پرسیانا ل گه‌ل وان بهێته كرن.
پله‌دارێ عیراقى هه‌روه‌سا دیاركر، ل گۆڕ دیتنا ئه‌مریكا كوشتنا به‌غدادى هوكاره‌كێ گرنگه بۆ ژ به‌رئێكبرنا رێكخستنا چه‌كدارێن داعشێ و لاوازكرنا وان، نه‌خاسمه چو كه‌سێن دى نینه جهێ وێ بگرن دناڤا چه‌كدارێن داعشێ دا، كو كه‌سه‌كێ دى نه‌شێت جهێ وى بگریت و داعشى گوهداریا وى بكه‌ن، ئڤه دێ بیته لاوازیه‌كا ته‌مام بۆ چه‌كدارێن داعشێ هه‌كه ئه‌و كارێ ئه‌و پێ هاتینه راسپاردن كو كوشتنا به‌غدادى یه ب سه‌ركه‌فت.
ئه‌فسه‌رێ عیراقى ئه‌و چه‌نده ژى نه‌ڤه‌شاره‌ت كو تیما ئه‌مریكى پشتى دزگه‌هێ هه‌والگیریا عیراقێ بهایێ 25 ملیۆن دۆلاران بۆ سه‌رێ به‌غدادى ته‌رخانكرین هاتینه عیراقێ و گه‌هشتن به‌غدا.
