سه‌فین دزه‌یى گرنگترین خالێن دانوستاندنێن ل گه‌ل به‌غدا ئاشكراكرن
ئه‌ڤرۆ نیۆز:
په‌یڤدارێ ب ناڤێ حوكمه‌تا هه‌رێما كوردستانێ راگه‌هاند، شاندَ كوردستانى دێ به‌ر ب به‌غدا چیت و سێ خالا دێ گه‌نگه‌شه‌كه‌ن.
سه‌فین دزه‌یى بۆ تۆڕ رووداو گۆت: سه‌ره‌دانا وه‌زیرێ ده‌رڤه‌یێ عیراقێ ئیبراهیم جه‌عفه‌رى بۆ توركیا تشته‌كێ سرۆشتى یه، و ئه‌م دژى په‌یوه‌ندیێن توركیا و عیراقێ نینه، ئاماژه‌ا هندێ حوكمه‌تا هه‌رێما كوردستانێ په‌یوه‌ندیێن باش ل گه‌ل به‌غدا هه‌نه.
په‌یڤدارێ حوكمه‌تێ زێده‌بارى وێ گۆت: لبه‌ره شانده‌كێ كوردستانێ ب سه‌رۆكاتیا سه‌رۆك وه‌زیرێن هه‌رێما كوردستانێ نێچیرڤان بارزانى سه‌ره‌دانا به‌غدا بكه‌ن، بۆ دانوستاندنا ل سه‌ر كێشێن هه‌لاویستى د ناڤبه‌را هه‌ردو ئالیان دا.
سه‌فین دزه‌یى هه‌روه‌سا رونكر، گرنگترین كێشه ل گه‌ل به‌غدا بهێته گه‌نگه‌شه‌كرن، كێشا بڕینا موچێن فه‌رمانبه‌رێن هه‌رێمێ یه و مادێ 140 یێ دستورى و قانوونا په‌ترۆل و غازێ و هنارتنا وێ بۆ ده‌رڤه‌ى وه‌لاتى.