بالیۆزه‌كێ عیراقێ: دانوستاندێن چاركرنا په‌ترۆلێ ل گه‌ل هه‌رێمێ دهێنه كرن
ئه‌ڤرۆ نیۆز:
بالیۆزێ عیراقێ ل واشنتۆن لوقمان فه‌یلى دوپاتكر، بۆ چاره‌كرنا كێشا په‌ترۆلێ حوكمه‌تا به‌غدا ل گه‌ل حوكمه‌تا هه‌رێما كوردستانێ ده‌ست ب دانوستاندان كریه.
دداخویانیه‌كێ دا لوقمان فه‌یلى بۆ رۆژناما(Houston Chronicle ) یا ئه‌مریكى گۆت: هنده‌ك ئاماژێن ئه‌رێنى هه‌نه ل گه‌ل ده‌سپێكرنا دانوستاندنان ل گه‌ل پێشنیازه‌كێ بۆ رێككه‌فتنا پشككرنا داهاتێ په‌ترۆلێ و و خالێن دى یێن ناكوكێ ل سه‌ر هه‌ى د ناڤبه‌را هه‌ردو ئالیان دا.
به‌لێ د هه‌مان ده‌مدا لوقمان فه‌یلى كۆت: دڤێت فرۆشتنا په‌ترۆلێ دچارچۆڤێ كۆمپانیا سۆمو یا نیشتیمانى دا بیت و هه‌ر فرۆتن ده‌رڤه‌یى كۆمپانیا ناڤبرى دێ ئێكگرتنا وه‌لاتێ تێكده‌ت.
بالیۆزێ عیراقێ هه‌روه‌سا دیاركر، هێشتا زویه به‌حسێ ئه‌نجامێن دانوستاندنان بكه‌ین، سه‌ره‌دانێن به‌رده‌وام دێ هه‌بن و نوكه ئه‌م پێدڤى ب روونشتنا ل سه‌ر مێزا دانوستاندنان و گه‌نگه‌شه‌كرنا بابه‌تى هه‌یه.
