وه‌زاره‌تا په‌ترۆلا عیراقێ 27% ژ داهاتێ په‌ترۆلێ ژده‌ست دا
ئه‌ڤرۆ نیۆز:
وه‌زاره‌تا په‌ترۆلا عیراقێ ره‌تكر وان بهایێ به‌رمیلێ په‌ترۆلێ ب (90) دۆلاران د بودجا سالا 2015 ێ دا ته‌رخان كربیت، هه‌ڤده‌م پێشبینیا ژ ده‌ستدانا 27% ژ داهاتێ په‌ترۆلا خاڤا ئه‌ڤ ساله راگه‌هاند.
وه‌زاره‌تا په‌ترۆلا عیراقێ د به‌یاننامه‌كێ دا به‌لاڤكریه، وان پشت به‌ستن ل سه‌ر بهایه‌كێ نوو ل گۆڕ بودجا سالا 2014 و ب ڤه‌كۆلینه‌كا بابه‌تیانه و ئابوورانه یا هوربین ل گه‌ل به‌رچاڤگرتنا پێشهات و گوهۆڕینێن بازارێ په‌ترۆلا جیهانێ و پاشڤه‌مانا بهایێ په‌ترۆلێ و پێشبینیێن پاشه‌رۆژێ دهێنه كرن.
هه‌روه‌سا وه‌زاره‌تا په‌ترۆلا عیراقێ ده‌نگۆباسێن هنده‌ك به‌رپرسان ره‌تكرن كو دبێژن كێمكرنا بهایێ په‌ترۆلێ ل بازارێن جیهانێ كارتێكرن ل بودجا عیراقێ نه‌كریه، دوپاتكرن، ئابورێ عیراقێ و بودجا فیدرال كارتێكرنه‌كا مه‌زن ل سه‌ر هاتیه كرن و 27% ژ داهاتێ په‌ترۆلێ مه ژده‌ست دایه.
