هژمارەکا کادر و بەرپرسێن ئێکتیێ چوونە دناڤا رێزێن حەشدا شەعبی دا
ئه‌ڤرۆ نيوز:
ئەندامەکێ جڤاتا سەرکردایەتیا پارتی دیموکراتی کوردستان ئاماژە بوێ چەندێ دکەت، ھێزەکا زۆرا حەشدا شەعبی ھاتیە ناڤا کەرکووکێ و ھەر جھەکێ ئالایەکێ کەسک پێڤەبیت بناڤێ مەزارگە و جھێن ئاینی لسەر وەقفا شیعی ھاتیە تاپۆکرن، ھەروەسا دیارکر، ھژمارەک کادر و بەرپرسێن ئێکەتیێ ژی چووینە دناڤا رێزێن حەشدا شەعبی دا و بووینە جاشێن نوری مالکی و عێراقێ.
دیاری حوسێن، ئەندامێ جڤاتا سەرکرداتیا پارتی دیموکراتی کوردستان بۆ رۆژناما ئەڤرۆ گۆت” ھێزەکا زۆرا میلیشیاتێن حەشدا شەعبی ل پارێزگەھا کەرکووکێ ھاتینە کومکرن و ھەر جھەکێ ئالایەکێ کەسک پێڤەبیت بناڤێ مەزارگە و جھێن پیرۆز لسەر وەقفا شیعی ھاتیە تاپۆکرن و زێرەڤان بۆ ھاتینە دانان، ھەروەسا بن ناڤێن جۆدا ھێزێن حەشدا شەعبی ھاتینە باژێڕێ کەرکووکێ و دەوربەرێن باژێڕی بیرکاری بناڤێ پاراستنا جھێن ئاینی و رەوشا ئەمنی رۆژ بۆ رۆژێ ھێزێن وان زێدەدبن، پێشبینی دکەین دگەل دەستپێکرنا ھێرشا سەر قەزا حەویجە ھێزێن پتر یێن میلیشیاتێن شیعە بھێنە دەڤەرێ، ئەڤەژی مەترسیە بۆسەر رەوشا باژێڕێ کەرکووکێ، چونکە ئەڤان ھێزا نیەتێن خراپ ھەنە و کەرکووک داگیرکریە، ھەروەکی بەرێ ئەڤان ھێزێن شیعە ئاریشە و ئالۆزی ئێخستیە قەزا خورماتوو، لەوڕا ئەم ھاتنا ئەڤان ھێزا بیرکاری مەترسی دزانین بۆسەر کەرکووکێ و پاشەڕۆژا باژێڕی.
دیاری حوسێن گۆتژی” مخابن ھژمارەک کوردژی کەفتینە ناڤا رێزێن حەشدا شەعبی و دەستێ خوە دگەل ئەڤێ ھێزێ تێکەلکریە، پتریا وانژی کادر و بەرپرسێن ئێکەتی نیشتیمانی کوردستانن، ئەم وەک پارتی دژی ئەڤێ چەندێ ینە خەلکێ کورد بچیتە رێزێن حەشدا شەعبی و دژی مللەتێ خوە راوەستیت، ھەرکەسەکێ ئەڤرۆ دگەل ھێزێن پێشمەرگەی نەبیت و ھێزەکادی ھەبیت بتایبەتی دگەل عێراقێ ئەڤە چو گومان تێدانینە ئەف کەسە بووینە جاشێن عێراقێ و نوری مالکیێ سەرۆک وەزیرێن بەرێ یێ عێراقێ، چونکە ھەبوونا ئەڤان ھێزا ل دەڤەرێ ژێدەرێ پەیداکرنا ئاریشەیانن و دێ رەوشا ئەمنیا کەرکووکێ پتر ئالۆزکەن، ھەموو ئیماژە بەرەف ئەڤێ چەندێ نە حەشدا شەعبی نیەتێن خراپ ھەنە ل کەرکووکێ و نابیت کورد بکەڤن رێزێن ئەڤان گروپێن میلیشیاتێن شیعی، ژبەرکو مەرەما وان یا دیارە دژی ھەرێما کوردستانێ و ھێزێن پێشمەرگەینە.