هشیاربن گه‌لۆ ئێدى به‌سه ژ خه‌و رابن
دوژمن هه‌ر دوژمنه و چ جاران نابن دوست و هه‌ڤال و برا باش دزانین گه‌له‌ك حه‌زدكن جاره‌كا دی ئه‌نفال و كیمیاباران و جینۆساید و شه‌رین ناڤخوه‌یی ل سه‌ر گه‌لێ كوردستانێ په‌ید بكن و بسه‌پینن ب پیلانگیریین خوه یین چه‌په‌ل و شۆڤینیست و هه‌می هه‌ول و بزاڤین خوه یین رۆژانه دادریژن و دیاره ئه‌ڤه چه‌ندین ساله ژ بۆ په‌یداكرنا قه‌یرانێن سیاسی و ئابووری و ئاینی و جڤاكی و ره‌وشه‌نبیری ل ناڤ وه‌لاتێ مه‌دا كاردكن هه‌تا ده‌وله‌تا كوردی ژ دایك نه‌بیت. ئه‌ڤجا قه‌یرانێن ئیك ل دووڤ ئێكی ژ نشكه‌كێڤه دهیننه ده‌رێ ژ بۆ لاوازكرن و خوه‌راده‌ستكرنا حوكمه‌تا هه‌رێما كوردستانێ بۆ پایته‌ختێ عیراقا زۆردار و سته‌مكار و دكتاتۆر ل ڤی چه‌رخێ بیست و ئێكێ و ئه‌و ژی د خه‌ونی دا نا بینن و هه‌یهاته هه‌یهات و نه‌هێلانا رژێما عه‌فله‌قی و هاتنا ده‌ستهه‌لاتا سونی و شیعی كه‌مباختر ژ به‌ری ده‌ستهه‌لاتین خوه كرن و هه‌ول ددن كوردستانێ هه‌ر بێ بها بكن و ره‌شبكن ل به‌ر چاڤین خه‌لكی مه ل هه‌رێمی و جیهانی ب رێكا ده‌زگه‌هێن راگه‌هاندنێ و دیدارین خوه یێن شاش و هه‌ڤدژ، لی فه‌ره خه‌لكێ مه باش هشیاربن، لێ هێشتا تێهنا هنده‌ك نه‌حه‌زان بدووماهی نه‌هاتیه ژ بۆ شه‌هیدكرنا خه‌لكێ مه ل كوردستانێس و هه‌ر برسیكرن و تالان و بنئاخكرنا مافێن ره‌وا یێن گه‌لێ مه ب شه‌ڤ و رۆژ نانڤن و هه‌ر پیلانان دادریژن ژ بۆ نه‌مانێ پر ب بزاڤن چ دوژمنێن چه‌په‌لێن ده‌هبه و هارودینن بزانن دلین نه‌حه‌زان هه‌ر یێن ره‌ق و حشكن و چ جاران نه‌رم نابن و ژ بۆ ئازادیا مه كوردان چاڤ باره‌ناكن و هه‌ر ب خه‌من و پیلانگێرن و حه‌زناكن وه‌ك وان بژین ب خۆشی و ته‌ناهی و ب بین خودان ده‌زگه‌هێن خزمه‌تگوزاری ل ناڤ وه‌لاتێ خوه دا ب سه‌رفرازی بژین بێ ئاریشه و جوداهی د ناڤ هه‌می لایه‌نان دا ئه‌ڤجا حزبینۆ وه‌رن به‌سه به‌رژه‌وه‌ندیێن كه‌سۆكی و به‌رته‌نگێن حزباتی بهاڤێژن ده‌مه ڤێكرا ده‌ستێن خوه بكینه ناڤ ده‌ستێن ئێك دا و خوه بكن ئێك ژ بۆ ئاڤاكرنا وه‌لاتی هه‌ر ب شه‌ڤ و رۆژ د به‌ره‌ڤانیا ده‌ستكه‌فت و به‌رهه‌مێن شه‌هیدان بین و بلا به‌س بیت ئێكودو نه‌شكینن ل ده‌ف نه‌حه‌ز و و دوژمنێن هه‌می مرۆڤاتیێ و جیهانێ و ب هه‌می باژێرێن خوه یێن داگیركر ئه‌ڤێن چه‌ندین سالان تالان دكرن ژ باژێرى زاخۆ هه‌تا خانقینێ و ده‌ڤه‌رێن ڤه‌قه‌تیایی ژ كوردستانێ و بگره ژ كه‌ركووكا دلێ كوردستانی و پشتی ئازادیا وی و پاراستنا وی ژ لایێ پێشمه‌رگێن قاره‌مان راده‌ستی به‌غدا چ جاران نه‌كن خوه خشیم نه بینن و هشیاربن سامانێن كوردستانێ ب سه‌روساناهى راده‌ستی هنده‌ك عه‌ره‌بێن شۆڤینیست و بێبه‌خت و بێوژدان نه‌كن یێن بووین ئه‌گه‌رێ شه‌هیدبوونا هزاران خه‌لكی ل كوردستانی هه‌ر چه‌نده ملله‌ت دكت نال نالان ژبۆ قه‌رقه‌شه و گۆت گۆتین هه‌وه یێن نه ره‌وا ل كه‌نالێن هه‌وه یێن حزبان ل به‌رامبه‌ر ئێكدو راوه‌ستینن و ئه‌ڤرۆ ده‌مه وه‌ك پێشمه‌رگێن قاره‌مان و جانفیدان ئاماده‌بن به‌ره‌ڤانیا خه‌لكێ خوه بكن و به‌س دلێن خه‌لكێ خوه بئێشینن و هه‌ر رۆژ هه‌ژار و فه‌رمانبه‌رێن مه و ملله‌تی دكن قێری و گازی و گازندا ژی ژ هه‌وه دكن و باش بزانن هه‌ر ئێك ژ ڤی وه‌لاتی دلێن وان ب خه‌م و كۆڤان دكه‌ڤن و ژ قه‌هرێن هه‌وه دا دمرن و باردكن و هێشتا چاڤێن خوه شادنه‌كری ب براینی و ئێكرێزی و ئێكگرتنا هه‌وه یێن حوكمداری حزبینۆ رێزدارینۆ كوردستانێ بپارێزن نه‌هێلن ده‌ستێن نه‌حه‌ز و دوژمنێن كوردینیێ ب گه‌رده‌نا وی بكه‌ڤت و بئێشینت وه‌لاتێ مه ره‌نگینه و شرینه و جهێ مێرخاس و عه‌گید و شه‌هیدانه.
