راھێنەرێ زاخۆ: ژ ئاستێ یاریزانێن تیمێ یێ رازیمە
ئەڤرۆ نیوز،ھشیار دوبانکی:
پشتی یانا زاخۆ ل ماوێ بوری ھەڤبەست ل گەل راھێنەرێ رومانی دورینیل مونتیانو ئیمزاکری و راھێنەرێ ناڤبری ژی بو یاریا سێ ل دیڤ ئێک نەشیا دلێ جەماوەرێ زاخۆ خوش بکەت دەمێ د یاریا ئەڤرۆ دا وەکھەڤبووی ل گەل یانا کارەبا بێ گول ل یاریگەھا زاخۆ یا نێڤدەولی.
دورینیل مونتیانو راھێنەرێ یانا زاخۆ ل دور یاریا بەرامبەر کارەبا دیارکر ئەو ژ ئاستێ یاریزانێن خوە یێ رازیبوو بتنێ گول ژ تیما مە یا کێم بوو د یاریا ئەڤرۆ دا ھەکو ھەر ژ دەستپێکا یاریێ ھەتا فیرکا دووماھیێ ئەوان کونترولا یاریێ کر بوو لێ نەبوونا گولێ دو خالێن یاریێ مە ژ دەستدان و ھەردیسان ئەو شیان د ماوەکێ کێم دا چیاوازیەکا باش ب دەنە تیمێ و تیم ب شێوەکێ باشتر خوە د یاریێ دا دیارکریە ئاستێ ھونەری یێ تیمێ یاری بۆ یاریێ یێ پێشکەڤیت و یێ ب ئومێدە دێ یاریێن بھێت شێن سەرکەفتنێن باش ب دەستخوڤە تومارکەن و بۆ جەماوەرێ یانا زاخۆ دیارکر دێ ل یاریێن بھێت زاخویەکا دی ھێتە دیتن دخولا عیراقێ دا ئاستێ وێ دێ یێ چیاواز بیت ژ یاریێن بوری.
زێدەتر ناڤبری دیارکر یاریا بەرامبەر کارەبا ب دووماھی ھات و پێدڤی یە نوکە ھزر ل یاریا بھێت بکەین ئەوا دێ ل باژێرێ بەغدا ھێتەکرن و ئارمانجا ئەوان د یاریا بھێت دا بتنێ سێ خالێن یاریێ نە.