پێكئینانا خێزانێ د ژیهكێ بچووك دا ئاریشه ههنه
شووكرن و ژن ئینان ئێك ژ بریارێن ههره گرنگه كو كچ و كوڕ هزر تێدا بكهن ژ بۆ هندێ كو ههردو رهگهز بگههنه بریارێن ساخلهم و دروست و د ژیهكێ گونجایى دا خێزانێ پێك بینن نهك د ژیهكێ بچووك دا، ژبهركو پێكئینانا خێزانێ د ژیهكێ بچووك دا خهلهتیهكا مهزنه و ئاریشه ههنه و ئهڤ چهنده هاتیه دیار كرن ژلایێ زانستى و پزیشكى ڤه كو، نابیت كچ ل ژێر ژیێ 18 سالیێ دا شوو بكهت، ههروهسا ل دووڤ دۆخێ دهروونناسى و جڤاكى ژیێ باش بۆ كچێ كو تێدا شوو بكهت ژ 18سالیێ ههتا25سالیێ یه، و ژیێ باش بۆ كوڕى ژى كو تێدا ههڤژینیێ پێك بینیت ژ 20 سالیێ وێڤهیه، لهوا پێدڤیه ههردو رهگهز هزر د ژیهكێ گونجایى دا بكهن، ژبهركو كێمتر ژ 18سالیێ ئاریشه ههنه و ههكه كچ د ژیهكێ بچووك دا شوو بكهت و لژێر ژیێ 18 سالیێ دا بیت،ئهڤ چهنده دێ بیته كارهسات، ژبهركو ههكه بخوینیت دێ دهست ژ خواندنا خوه بهردهت و ئهگهر وێ زارۆ ههبوون و بۆ دایك نهشێت وهكى دایكهكێ بیت بۆ وى زارۆیى و نكاریت ب دروستى زارۆیێن خوه پهروهرده بكهت و نهشێت بهرپرساتیا خێزانێ بكهت،چونكى ژلایێ بایلۆژى ڤه تهمام گهشه نهكریه ژبلى كو كارتێكرن ژلایێ دهروونى و جڤاكى و ساخلهمى ڤه لێ دبیت و كوڕ ژى ههكه زوو ژنێ بینیت دێ كارتێكرن ژلایێ جڤاكى و دهروونى ڤه لێ بیت، ژبهركو نهشێت ب دروستى پێداویستیێن خێزانێ دابین بكهت و رهنگه نهبیته بابهكێ نمونهیى و ههكه بخوینیت ژى رهنگه ئهو ژى دهست ژ خواندنا خوه بهردهت، كهواته ئهو ژى نهشێت ب ئاوایهكێ ههره باش بهرپرساتیا خێزانێ بكهت، ئهگهرێن ڤێ چهندێ ژى ئهڤهنه كو زوربهى جاران دایك و باب كوڕ و كچێن خوه هان ددهن كو زوو خێزانێ پێك بینن وهسا هزر دكهن هندى زووتره باشتره، بتایبهت بۆ كچێ، ژبهركو گهلهك دایك و باب ژ هندێ دترسن كو ل قۆناغێن سنێلهیێ دا كچێن وان توشى خهلهتیهكێ ببن لهورا ئهو كچێن خوه زوو ددهنه شوو، ههروهسا ئهڤ چهنده وهك كهلتۆرهكێ یه دناڤ جڤاكێ كوردهوارى دا، هندهك جاران ژى كوڕ و كچ د ژیێ سنێلهیێ دا لدووڤ دلینیا خوه دچن و زوو ژیانا ههڤژینیێ پێك دئینن بێ كو هزر بكهن كو ئهڤ چهنده دێ بۆ وان ب خرابى زڤریت و د بهرژهوهندیا وان دا نابیت، چارهسهرى ئهوه دڤێت كور و كچ بهێنه هشیار كرن كو ههتا خواندنا خوه ب داوى نهئینن،هزر ل پێكئینانا خێزانێ نهكهن و دڤێت ئهو ل سهر بنهمایهكێ دروست بهێنه پهروهردهكرن، ههروهسا دایك و باب بهێنه هشیار كرن و هایدار كرن كو زوو شوو كرن و زوو ژن ئینان باش نینه، ژبهركو ئهو گهنجه دێ تووشى ئاریشێن مهزن بن د ژیانا خوه یا ههڤژینیێ دا وهك ژێك جودابونێ و ههكه ژێكجۆدا بوون ژى روو نهدهت، دێ دناڤ گرفتێن مهزن دا ژین و نهشێن ب دروستى ئاریشێن دناڤبهرا خوه دا چاره بكهن و ئهڤ ههڤژینیه یا سهركهفتى نابیت، ژبهرهندێ دڤێت كچ و كوڕ د ژیهكێ وهسا دا خێزانێ پێك بینن كو كهساتیا وان د قۆناغا ههست ب بهرپرسیارهتى كرنێ دا دروست ببیت و بشێن خوه ل گهل ژیانێ بگونجینن.
