خزینه
جۆتیارهكێ سهركهفتی ل ئهفریقیا د ناڤا باخچێ خوه دا كارێ خوه دكر، بهردهوام بوو ل سهر كارێ خوه ههتا پێر بووی، جۆتیاری گوهلێبوو خهلك یێ ل ئهلماسی دگهریێن و ب بهایهكێ گران دفرۆشن و قازانجهكا مهزن دكهن، ئهو ژی رابوو باخچێ خوه فرۆت ب مهرهما وێ ئێكێ ئهو ژی بۆ خوه ل ئهلماسی بگهریێت دا زوو زهنگین ببیت، ب شۆلێ باغچهى ڤه وهستیا، سێزده سالان ل ئهلماسی گهریا، بێ ئهنجام، حهتا بێهیڤی بووی، لێ جۆتیارێ نوو ئهوێ باخچێ وی كڕی د ناڤ باغێ وی دا ئهلماسهك دیت، پاش ئێكێ دی دیت، پاشێ ئێكێ دی…هۆسا دهركهفت باغچه (مهنجم) یا ئهلماسیه، خودانێ بهرێ ل ههمی جهان ئهلماسی گهریا ب تنێ ل ناڤ باغچێ خوه نهبیت، دبیت دیتبیت ژی بهس نهنیاسی بیت، چنكی ئهلماس ل دهسپێكێ وهكی پرتهكا رهژیێ دئێته دیتن، پاش پارچه و (صقل) و دبریسقیت… ئارێشا مه نه د دهمێ مهدایه، زانا و فهیلهسۆف و پێغهمبهر و ههتا دگههیته مللهتێن پێشكهفتی شهڤ و رۆژێن ههمیان وهكی یێن مه ٢٤ دهمژمێرن، سالێن نها و یێن بهرێ ههر هندی خۆنه، ههكه ٢٤ دهمژمێران تێرا مه نهكربا دا خودێ بۆ مه زێدكهت، بهس ئهو دزانیت تێرامه ههنه. ئارێشامه نه ددهمارێن لهشێ مه دانه، دل و سهر و خانێن مێشكی و قهبارێ جهستهیی، مرۆڤ ههمی وهكی ئێكن، كهس ژ كهسێ زێده نینه، چنكی خودێ ههمی مرۆڤ ب ئێك ئاستێ بهرپرساتیێ و رۆلی بۆ ژیانێ و دونیایێ یێن فرێكری، واته پێداویستی و پێكهاتا وان ژی ههمیان وهكی ئێكه. ئارێشا مه د خزینا مه دایه، خزینا مه د مێشكێ مه دایه، مێشكێ مه دهرد و دهرمانێ مهیه، ئهم ل ههمی تشتان دگهریێن و ل ههمی جهان، بهس ئهم خزینا خوه یا ههمی تشت پێڤهدئێن ژبیر دكهین، مێشكێ مه دبێژیتهمه بزانه تو تو نینی، تو نه ئورجینالی، تو بهس زێرهڤان و شڤانهكی بۆ یێ درست و ئورجینال، ئهو ژی ئهڤهیه د ناڤ من دا یێ نڤستیه، ههكه تو شیای هشیار بكهی ئهڤه تو بوویه تو یێ درست، و ههكه هشیار نهبوو، تو چهند بمینی و چ بی دێ مری و نابیه تشتهك، هزكه تو نههاتیه دونیایێ، ههكه ته ئهلماسێ خوه نهنیاسی یان وهك رهژیێ دیت، دێ رهفتار و ههلویستێت تهژی ههمی وهك رهژیێ بن، ل گهل خێزان و جڤاكێ ژی و ههكه ته خهم ژێ خار و(صقل)كر، رهفتارا ته ژی دێ وهك وی بیت، ئهم ب ههمی ڤه هندی د ژیانێ دا بین ئێخسیر و گرێدایێن مێشكی نه، ههكه مه ڤهدیت و چێكر، ئهم بهرههڤی ههمی پێشهات و پێشكهفتناینه، ههكه مه ڤهنه دیتبیت هێشتا، ههر پێشهات و پێشكهفتنهك دێ بیته فتنه و بهلایهكا دی، ل جهێ خۆشیێ رۆژانه دێ دهردبن.
