ئاگه‌هداريه‌ك ژ وه‌زاره‌تا دارايى و ئابوورى

ئه‌ڤرۆ نيوز:

وه‌زاره‌تا دارايى و ئابوورى ئاگه‌هداريه‌كێ ل دۆر وان خانه‌نشينێن ژ به‌ر هه‌ر ئه‌گه‌ره‌كى خوه‌ د سيسته‌مێ بايۆمه‌ترى دا تۆمار نه‌كرى دكه‌ت كو ل دووڤ ژڤانێ ده‌ستنيشانكرى فۆرما تۆمارا بايومه‌ترى وه‌ربگرن و خوه‌ تۆماركه‌ن.

د ئاگه‌هداريه‌كا وه‌زاره‌تا دارايى و ئابوورى يا حوكمه‌تا هه‌رێما كوردستانێ دا كو دانه‌ك بۆ ئه‌ڤرۆ نيوز ره‌وانه‌كريه‌، ئاماژه‌ ب وێ چه‌ندێ كريه‌ كو ئه‌و خانه‌نشينێن هه‌تا نوكه‌ خوه‌ د سيسته‌مێ بايۆمه‌ترى دا تۆمار نه‌كرى ژ به‌ر هه‌ر ئه‌گه‌ره‌كێ هه‌يى، پێدڤيه‌ ژ رێكه‌فتى 26ى ئادارا 2017ێ هه‌تا 4ى نيسانا 2017ێ سه‌ره‌دانا رێڤه‌به‌ريێن خانه‌نشينيێ بكه‌ن ب مه‌ره‌ما وه‌رگرتنا فۆرما بايۆمه‌ترى يا تايبه‌ت ب مووچه‌يان و خوه‌ د سيسته‌مێ بايۆمه‌ترى دا تۆمار بكه‌ن.

وه‌زاره‌تا دارايى و ئابوورى ئاماژه‌ ب وێ چه‌ندێ ژى كريه‌ كو بۆ وه‌رگرتنا فۆرمێ پێدڤيه‌ ناسناما بارێ شارستانى يا فسفۆركرى يان كارتا نشتيمانى ل گه‌ل خوه‌ ببه‌ن.

کۆمێنتا تە